VOV4.K’ho – Ngai òr (14/02), ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar lam bồ Mpồl kuang bàng dờng màng Gơnoar atbồ lơgar he lòt bơh Hà Nội, tus California, lơgar Mỹ nàng tus bal Pơrjum kuang bàng dờng màng ASEAN mờ Mỹ jat jơnau jà bơh ồng Barack Obama kuang atbồ lơgar Mỹ dê.

Pơrjum Kuang bàng dờng màng ASEAN mờ Mỹ geh lơh tàm 2 ngai, ngai do mờ ngai hìng (15- 16/02/2016) tàm Sunnylands, càr California, lơgar Mỹ. Do là tu\ nàng 2 gah cribơyai bal gùng dà broă lơh, ring bal ală broă lơh ai bơta gi\t gơ\p lơh broă bal dờng màng geh lơh ngan mờ loh làng rlau tai kung bè cribơyai mờ yal bè gùng dà broă lơh bè ală bơta dunia mờ tàm tiah do mờ 2 gah ndrờm sền gròi bal. Tàm dơ\ Pơrjum kuang bàng dờng màng ASEAN mờ Mỹ, ồng Nguyễn Tấn Dũng bal mờ ală kuang bàng đơng lam ASEAN mờ ồng Barack Obama kuang atbồ lơgar Mỹ geh tus bal ală dơ\ pơrjum tơngume gơ rềng tus chul chồl Mpồl bơtiàn Lơh sa ASEAN jat broă lơh bơceh pa mờ kă bro; Sền gàr ring lơngai, bơtàu tơnguh mờ lơngăp lơngai tàm tiah Châu Á- Thái Bình Dương, ngan là bơta lơngăp lơngai gùng dà lềng, tam dră sò tơm iơh bơsak mờ ală bơta lòng gan dà lơgar kung bè đơs lài bè bơta gơlik geh tàm tiah do…Bơta geh mat bơh Cau lam bồ Gơnoar atbồ lơgar he dê tàm dơ\ pơrjum do, ờ mìng tơngo\ bơta kơ\p kờn pơ gồp bơnah ai bơta gi\t gơ\p lơh broă bal dờng màng đah ASEAN mờ Mỹ geh lơh ngan ngồn mờ gam să tờm pơgồp bơnah sơlơ tơnguh tai bơta gi\t gơ\p 2 gah đah Việt Nam mờ Mỹ.

Cau cih mờ yal tơngi\t- Lơ Mu K’ Yến