VOV4.K’ho - Bơh tàm ngai òr (22/06), ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh bal mờ mpồl kuang bàng  lơgar Việt Nam tus lơgar Myanmar tus bal pơrjum dờng màng tam klac lơgar Campuchia -Lào-Myanmar-Việt Nam dơ\ 7 mờ dơ\ pơrjum dờng màng broa\ kuơ tam klac lơh sa Ayeyawady-Chao Phraya-Mekong dơ\ 6. Dơ\ pơrjum  dờng  màng tam klac Campuchia-Lào-Myanmar-Việt Nam dơ\ sơnrờp geh bơyai lơh tàm càr lơgar Vientiane, lơgar Lào tàm lồi nam 2004 mờ tờm ngan  geh cri bơyai tàm gah lơh broa\ geh lơh bal gùng lòt, pơndiang phan, lơh broa\ sa, lơh sa mờ ma\y mok, lơh sơnơm, tiah kis, năng lượng, bơto bơtê cau lơh broa\. Dơ\ pơrjum la tu\ nàng ala\ kuang bàng đơng lam atbồ geh kơrnuat ala\ broa\ lơh dờng mờ ring bal geh gùng tam klac tàm tơngai tus, ring bal ala\ broa\ lơh tam klac nền nòn tàm tơl broa\ lơh kung bè geh pơn jờng, hòi jà ala\ cau lơh broa\ dunia tus tàm tàm broa\ lơh tam klac bơtàu tơngguh. Dơ\ pơrjum dờng màng broa\ kuơ tam klac lơh sa sơnđan 3 dà dờng tờm tàm dà dờng Mekong la Ayeyawady-Chao Phraya-Mekong, geh 5 lơgar tus bal, geh Campuchia, Lào, Myanmar, Thái Lan mờ Việt Nam kờ` tơngguh tam klac bal mờ 2 gah kờ` geh ngui mờ chồl guh bơta kuơ pơndrờm bal bơh ala\ tiah, ala\ lơgar tàm mpồl, bơtàu tơngguh tam pơr lòng mờ tơn srềp cah ngài bơtàu tơngguh.

                                      Cau mblàng K’ Brọp.