VOV4.K’ho – Mho òr 16/12, tàm hìu lơh broă gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar wă mò Elisabeth Guigou kuang atbồ anih duh broă cribơyai mờ lơgar ndai Gơnoar ala mat dà lơgar Tây gam còp mờ lơh broă tàm lơgar Việt Nam.

Jờng rơ mò Elisabeth Guigou còp Việt Nam kung bè cồng nha lơh broă bơh mpồl dê, ồng Nguyễn Tấn Dũng đơs là, cồng nha dơ\ tus còp dê là dùl tă pơgồp niam ngan tàm git gơp đah Việt Nam mờ Tây đơs bal mờ git gơp đah Gơnoar ala mat dà lơgar 2 lơgar đơs is. Ồng Nguyễn Tấn Dũng đơs tờm, Việt Nam kơp kờ` mờ lơh jơh pràn, bal mờ lơgar Tây, 2 gah lơh ngan chul chồl pràn git gơp lơh broă bal kuơ màng đah 2 lơgar tàm jơh ală gah, bơh gùng dră bal – lơh broă mờ lơgar ndai; lơh sa, kă bro, bơcri priă, nhơl chờ tus sền gàr dà lơgar, chài ling klàng, chài rơgơi, bơto bơtê mờ bơsram… ngai sơlơ geh cồng nha, cèng wơl bơta kuơ ai jơh 2 gah in; bơh hơ\ lơh niam rlau git gơp đah 2 lơgar. Ồng Nguyễn Tấn Dũng kung sồr đah lơgar Tây mhar ki\ jơnau pơrgon tam klac lơh broă mờ tơl làm Việt Nam – EU kung bè kờ` jơnau pơrgon kă bro khat gơboh Việt Nam mờ mpồl tam klac châu Âu mhar geh ki\ mờ geh cồng nha.

                                                          Cau cih mờ yal tơngit K’ Duẩn.