VOV4.K’ho – Ngai òr, 5/8, tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar wă ồng Kyaw Kyaw Maung, Kuang atbồ anih priă jền dà lơgar Myanmar. Ồng Nguyễn Tấn Dũng đơs tờm, Việt Nam mờ Myanmar geh git gơp bơhiàn yau jo\ rài; tam klac bal đah 2 lơgar tu\ do gam geh ală bơta bơtàu tơnguh pràn ngan, ngan là bè lơh sa, kă bro, bơcri priă. Nàng gàr kơ\ mờ chul chồl pràn rlau tai priă bơcri bơh ală mpồl lơh sa kă bro Việt Nam dê tàm Myanmar, ồng Nguyễn Tấn Dũng sồr Myanmar sền sơ wì mhar ai gơnoar anih priă jền bơcri priă mờ bơtàu tơnguh Việt Nam pờ sơne\ lơh broă nàng dong kờl ală mpồl lơh sa kă bro Việt Nam chồl pràn bơcri priă tàm Myanmar, mơkung kơp kờ` 2 gah pơnjat tai pơgồp bal krà` cê kờ` bơsong niam ală bơta gơlik geh tàm broă tam klac lơh sa đah 2 lơgar. Bè đah Gơnoar atbồ lơgar Việt Nam sùm pơn jờng mờ ai geh tơl bơta niam nàng ală mpồl lơh sa kă bro chồl pràn mờ geh cồng nha broă bơcri priă, kă bro tàm Myanmar.

                                                                                             Cau mblàng K' Duẩn.