VOV4.K’ho - Mho òr (30/3), tàm hìu lơh broa\ Gơnoar atbồ lơgar, ồng Nguyễn Tấn Dũng kuang gơs  gơnap gơnoar atbồ hơđang rlau jơh dà lơgar wa\ mò Victoria Kwakwa kuang atbồ anih pria\ jền dunia (WB) tàm Việt Nam.

            Ồng Nguyễn Tấn Dũng đơs tờm, mờ bơta lơh ngan bơh sa\ tờm mờ bơta lơh broa\ bal, dong kờl geh cồng nha bơh mpồl bơtìan dunia,  tàm hơ\ geh WB, Việt Nam neh lơh geh ua\ ngan cồng nha tơl làm  jơh tàm ala\ gah lơh broa\ bè lơh sa-mpồl bơtìan, lik klàs  lơgar rbah, ờ bơtàu tơngguh gơs lơgar geh kờp bal di mơ. Bulah bè hơ\,  Việt Nam gam ua\ ngan bơta kal ke, bơta lòng pal kong,  pal sơrlèt, ngan la bè bơtàu tơngguh, tơngguh  tam pơr lòng,  tơmù rbah kơljap,  bơtàu tơngguh lơh sơnơm, bơto bơtê bơsram, gàr niam bơta kuơ mpồl bơtìan mờ broa\ niam mpồl bơtìan, bơt bơtàu niam wơl bơh  aniai tàm rài tam lơh, geh tam dra\ mờ tam gơl trồ tiah,  dà lềng gơguh tih. Den tàng ngan,  bal mờ bơta lơh ngan sa\ tờm, Việt Nam kơp kờ` geh dờp bơta tam klac, dong kờl  bal bơh mpồl bơtìan dunia,  tàm hơ\ geh WB.

                             Cau cih mờ yal tơngit K’ Brọp