VOV4.K’ho – Drim òr 5-5, tàm hìu lơh broă gơnoar atbồ lơgar, Ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar wă ồng Yoon Sang Jick kuang atbồ gah kă bro, lơh sa mờ mai\ mok mờ năng lượng lơgar Hàn Quốc. Jờng rơ ồng Yoon Sang Jick tus còp, lơh broă mờ ki\ jơnau pơrgon kă bro khat gơboh Việt Nam – Hàn Quốc, ồng Nguyễn Tấn Dũng đơs tờm, mờ broă lơh ngan bơh jơh 2 gah dê, Jơnau pơrgon kă bro khat gơboh Việt Nam – Hàn Quốc geh ki\ geh là dùl bơta pơnjờng pa chul chồl pràn rlau tai git gơp tam klac lơh broă bal đah 2 lơgar tàm ală gah broă lơh, ngan là lơh sa, kă bro, bơcri priă, nhơl chờ… Đơs tờm bơta pràn tam klac bal đah Việt Nam mờ Hàn Quốc gam dờng ngan, ồng Nguyễn Tấn Dũng đơs tờm, gơnoar atbồ lơgar Việt Nam sền dờng màng ngan mờ kơp kờ` bal mờ lơgar Hàn Quốc lơh ngan tơnguh bơta git gơp 2 lơgar ngai sơlơ pràn kơldang, ngan ngồn, geh cồng nha tài bơta kuơ mờ tài bơta bơtàu tơnguh bal bơh jơh 2 lơgar dê. Ồng Nguyễn Tấn Dũng đơs tai, broă ki\ jơnau pơrgon kă bro khat gơboh Việt Nam – Hàn Quốc mìng là bơta sơnđờm, bơta kuơ màng rlau là jơh 2 gah pal song dơpă tam klac bal nàng tàm tu\ mut ngui jơnau pơrgon geh buơn buài mờ niam. Ồng Nguyễn Tấn Dũng kơp kờ` 2 lơgar pơgồp bal krà` cê tàm broă chul chồl rơndap broă suơn ờng công nghệ tàm Cần Thơ.

                                                                                                                                                Cau mblàng K’ Duẩn.