VOV4.K’ho – Mho òr, 21/3 tàm hìu lơh broă gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar wă ồng Vladimir Kolokoltsev kuang atbồ Gah kuang àng lơgar Nga gam còp mờ lơh broă tàm lơgar Việt Nam.

Tàm dơ\ wă, ồng Nguyễn Tấn Dũng đơs loh, Việt Nam sùm cih kah bơta tam klac, dong kờl dờng màng, geh cồng nha mờ lơgar Nga neh ai lơgar Việt Nam in tàm ală nam nhai tam lơh tơngklàs jơi bơtiàn, tơrgùm dùl dà lơgar lài do kung bè tàm broă lơh bơt bơtàu mờ bơtàu tơnguh dà lơgar tu\ do; mơkung đơs tờm Việt Nam ờ tam gơl mờ geh lơh jơh pràn nàng bal mờ lơgar Nga pơnjat tai chul chồl git gơp tam klac lơh broă bal đah 2 lơgar ngai sơlơ geh cồng nha, cèng wơl bơta kuơ ngan ngồn ai làng bol 2 lơgar in. Ồng Nguyễn Tấn Dũng đơs tờm, Gơnoar atbồ lơgar Việt Nam sùm kờ` dong kờl ală broă lơh tam klac bal đah Gah kuang àng lơgar Việt Nam mờ Gah kuang àng lơgar Nga, ngan là tam klac bè bơto bơtê cau lơh broă; tam pà, cribơyai mờng chài, tam klac bè tam dră bol sò tơm iơh bơsak, rơcang sơndră ală bơta cau tìs; sền gàr ờ do ờ dă, ngap lơngai jơnau yal tơngit tàm internet…

                                          Cau cih mờ yal tơngit K’ Duẩn.