VOV4.K’ho – Ngai òr ( 19/6) tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar wă ồng Joo Hyung Hwan kuang jat jơng atbồ Gah broă lơh mờ priă jền lơgar Hàn Quốc gam còp mờ lơh broă tàm lơgar Việt Nam. Ồng Nguyễn Tấn Dũng đơs niam ală anih lơh broă geh gơ rềng bơh 2 lơgar dê neh jơh nùs pơgồp bal nàng mut lơh jat ală jơnau ringbal tam klac priă jền, tàm hơ\ geh bơnah priă ai càn dong kờl mờ Hàn Quốc hơ pơrgon geh ai lơgar Việt Nam in gơguh tus 12 tơmàn đôlar Mỹ nàng bơcri uă ngan tàm broă bơtàu tơnguh phan bơna gùng rơndeh ồs, gùng lòt ù gờl, gùng lòt tiah drà….Việt Nam neh geh rơndap broă bơcri lơh gùng rơndeh ồs ntoat rat tiah đah tô – tiah đah jum dà lơgar kung bè rơndap broă bè bơtàu tơnguh gùng rơndeh ồs tiah drà. Ồng Nguyễn Tấn Dũng kơp kờ` tàm dơ\ pơrjum Mpồl đơng lam tam klac bal priă jền 2 lơgar Việt Nam mờ Hàn Quốc dơ\ sơn rờp, 2 lơgar geh tơr gùm cribơyai ală bơta ngan ngồn bè rơndap broă tam klac bal kờ` ngui geh cồng nha priă càn geh dong kờl 12 tơmàn đôlar Mỹ do kung bè cribơyai ală bơta priă jền geh bal, jat bè tơl bơta rơndap broă lơh, ală rơndap broă kuơ màng pal lơh lài, lài ngan pal sền gròi tus ală rơndap broă bè bơtàu tơnguh phan bơna gùng rơndeh ồs.

                                                                       Cau mblàng K’ Duẩn.