VOV4.K’ho – Mho òr 16/07, tàm Hìu duh broă Gơnoar atbồ lơgar, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam neh wa\ rò ồng Trương Cao Lệ kuang geh jơng lơh broă sùm Gah Gùng dră bal dà lơgar mơkung là kuang jat jơng gơs gơnăp gơnoar atbồ hơđang rlau jơh dà lơgar Lo gam geh dơ\ còp Việt Nam.

Ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam mờ ồng Trương Cao Lệ kuang jat jơng gơs gơnăp gơnoar atbồ hơđang rlau jơh dà lơgar Lo

Ồng Nguyễn Tấn Dũng đơs tờm, Việt Nam sùm ờ tu\ lơi tam gơl sền dờng màng ngan broă sền gàr mờ bơtàu tơnguh kơ\ kơl jăp, lơngăp lơngai bơta gi\t gơ\p tam klac lơh bơyô bal mờ Đảng, Gơnoar atbồ mờ làng bol lơgar Lo mờ sùm gi\t do là gùng dà broă lơh ờ tu\ lơi tam gơl, jo\ jòng mờ là bơta săc rơ wah dờng màng, lơh lài khà dùl tàm gùng dà broă lơh mờ lơgar ndai bơh Việt Nam dê. Ồng Nguyễn Tấn Dũng sồr bàr lơgar kờ` pal sơlơ tam klac lơh bơyô bal, bơsong dipal bơta tàm gơjra` ờ ring bal, bal mờ gơ\p lơh geh tiah ơm kis bal ring lơngai, kơ\ kơl jăp nàng tơrgùm tam klac lơh broă bal bơtàu tơnguh. Do là bơta kuơ bal ngan ngồn, dờng ơnàng mờ jo\ jòng bơh bàr Đảng, bàr Dà lơgar mờ làng bol bàr lơgar Việt Nam mờ Lo.

Cau mblàng Lơ Mu K’ Yến