VOV4.K’ho – Di tu\ tus bal dơ\ bơyai lơh tơngkah 50 nam ngai geh ngap lơngai is lơgar Singapore dê, drim òr, 9/8, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar cribơyai mờ ală mpồl lơh sa kă bro dờng màng lơgar Singapore bơh Gah rơndap broă mờ bơcri priă dà lơgar, anih ala mat lơgar Việt Nam pơgồp bal mờ Mpồl tam klac lơh sa Singapore bơyai lơh. Ală mpồl lơh sa kă bro lơgar Singapore kơp kờ` rề ơnàng tam klac bơcri priă kă bro tàm lơgar Việt Nam tàm ală gah broă lơh, bơtàu tơnguh ală tiah lơh sa mờ mai\ mok, tiah drà, broă drơng ala dong kờl Logistics, ală anih ơm rlô să dờng màng kung bè tus bal tàm ală rơndap broă bơtàu tơnguh pờ tơlik ồs đèng mờ ròt hìu tac phan sàu sa tàm lơgar Việt Nam. Ồng Nguyễn Tấn Dũng neh hơ tơn ală jơnau lùp bơh ală mpồl lơh sa dờng dờng màng lơgar Singapore, gơ rềng tus broă dong kờl chul chồl bơcri priă bơt bơtàu phan bơna bơh Gơnoar atbồ lơgar dê, ngan là tàm gah broă drơng ala – dong kờl logistics, jờng rơ ală mpồl lơh sa kă bro lơgar Singapore rề ơnàng bơcri priă kă bro tàm lơgar Việt Nam tàm gah nhơm zờu, ù tiah hìu đam, bơto bơtê mờ bơsram, bơtàu tơnguh ală ròt hìu tac phan sàu sa, tiah lơh sa mờ mai\ mok, tiah drà mờ anih ơm rlô să dờng màng.

                                                                                                  Cau mblàng K' Duẩn.