VOV4.K’ho – Mho òr (25/9), tàm Hìu lơh broă Gơnoar atbồ lơgar dê, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar neh wa\ ồng Sergey Kudryashov kuang atbồ dờng Mpồl lơh sa dờng nhơm zờu Zarubezneft, lơgar Nga gam còp mờ lơh broă tàm Việt Nam. Ồng Nguyễn Tấn Dũng đơs niam ngan broă lơh tam klac bal geh cồng nha tàm broă lơh nhơm zờu đah bàr lơgar, ngan là ală rơndăp broă lơh tam klac lơh bal pơnrơ ngan đah Mpồl lơh sa dờng nhơm zờu Việt Nam (Petro Vietnam) mờ Zarubezneft dê tàm lơgar Việt Nam kung bè tàm lơgar Nga. Ồng Nguyễn Tấn Dũng đơs tờm: Gơnoar atbồ lơgar Việt Nam kờn bal mờ lơh geh tơl ală bơta niam ai tam klac bal kơ\ kơl jăp, jo\ jòng, geh kuơ bal tàm broă lơh nhơm zờu đah 2 lơgar in đơs bal mờ đah Petro Vietnam mờ Zarubezneft đơs is. Ồng Nguyễn Tấn Dũng kờn jơnau sồr bơh mpồl lơh sa kă bro bàr gah dê tàm broă pơn jat tai rề ơnàng broă lơh lòt sền, tơnhàu nhơm zờu tàm ală tơrlung zờu pa tàm bàr lơgar; mơkung sồr ală anih lơh broă geh gơnoar bơh Việt Nam dê cribơyai mờ đah lơgar Nga nàng gờn ki\ Kơrnoat hơ pơrgon bal đah bàr Gơnoar atbồ lơgar dê bè tam klac bal 2 gah tàm broă lơh do lơh bơnàng jă ai broă lơh pràn rlau tai tam klac bal tàm broă lơh lòt sền, tơnhàu nhơm zờu tàm bàr lơgar.

                                            Cau cih mờ yal tơng^t- Lơ Mu K’ Yến