VOV4.K’ho -  Mho òr 04/03, tàm hìu lơh broă gơnuar atbồ lơgar, ồng Nguyễn Tấn Dũng kuang gơs gơnap gơnuar atbồ hờđang rlao jơh dà lơgar wă ồng Tony Blair kuang gơs gơnap gơnuar atbồ hờđang rlao jơh dà lơgar Anh lài do còp mờ lơh broă tàm lơgar Việt Nam. Jờng rơ mờ đơs niam cồng nha lơh broă bơh ồng Tony Blair dê mờ kuang đơng lam bồ ală gah, sơnah lơh broă dà lơgar mờ mpồl lơh sa kă bro lơgar Việt Nam dê, ồng Nguyễn Tấn Dũng ưn ngài mờ pà git, Việt Nam pơnjat tai kơ\ nùs jat gùng dà tơl niam rài lơh sa drà kă bro mờ mut gơ rờm bal jrô ơnàng mờ dunia. Bulah neh geh ală cồng nha kuơ màng, mơya kung gam uă kal ke, bơta lòng mờ uă ngan broă pal lơh. Ồng Nguyễn Tấn Dũng kung kơp kờ`, mờ bơngă pin dờn bal mờ mờng chài he dê, ồng Tony Blair geh pơnjat tai geh ală tă pơ gồp ngan ngồn mờ chul chồl git gơp tam klac lơh broă bal kuơ màng Việt Nam mờ Anh ngai sơ lơ bơtàu tơnguh, ngan ngồn, geh cồng nha, ngan là tàm ală gah lơh sa, kă bro, bơcri priă, bơto bơtê mờ bơsram mờ jak chài lơh broă.