VOV4.K’ho - Mho òr 12/03, tàm hìu lơh broă Gơnuar atbồ lơgar, ồng Nguyễn Tấn Dũng kuang gơs gơnăp gơnuar atbồ hờ đang rơlao jơh dà lơgar neh wă ồng Jose Elias Jaua Milano kuang jat jơng atbồ lơgar Venzuela gam còp lơgar Việt Nam mờ tus pơrjum anih duh broă gơnoar atbồ lơgar bal bơh 2 lơgar. Bơh tàm pơrjum do, 2 lơgar neh lơh wơl uă rơndăp broă lơh bal kuơ màng. Ồng Nguyễn Tấn Dũng đơs, lơgar Việt Nam sùm kờ` bal gơnoar di pal mờ sơnoa boh lam lơgar Venezuela mờ kơ\p kờ` logar Venezuela ring niam mờ tơnguh bơtàu. Ồng Nguyễn Tấn Dũng sồr 2 lơagr tơrgùm chồl pràn broă kă bro mờ bơcri priă bơh 2 lơgar, tài broă kă bro bal bu\ lah tơnguh pràn, mơya gam ờ uă den tàng 2 lơgar di gơlan geh lơh broă bal uă rơlao tàm gah do. Ồng Nguyễn Tấn Dũng đơs loh, bơcri priă lơgar Việt Nam dê tus lơgar Venezuela gam tìp kal ke, tàm hơ\ uă ngan tàm gah nhơm jờu. Den tàng, lơgar Việt Nam kơ\p kờ` Gơnuar atbồ lơgar Venezuela geh broă dong kờl di pal, ai tơl bơta niam kờ` ai rơndăp broă tòm, geh nùs nhơm sòl pơn đàng lam gùng m rùp rài tus mờ broă lơh bal niam bơne\ bơh 2 lơgar geh cồng nha, tài do là rơndăp broă geh Đảng, Dà lơgar, Gơnuar ala mat dà lơgar mờ Gơnuar atbồ lơgar Việt Nam sền gròi ngan.