VOV4.K’ho - Mho òr 21/01, tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnăp gơnuar atbồ hờ đang rơlao jơh dà lơgar neh wă ồng Rajendra Pachauri kuang atbồ anih duh broă mpồl tam klăc Gơnuar atbồ lơgar bè broă tam gơl trồ tiah anih duh broă dunia gam geh dơ\ tus còp mờ lơh broă tàm lơgar Việt Nam. Ồng Nguyễn Tấn Dũng đơs tòm, tam gơl trồ tiah là 1 broă geh lơgar Việt Nam sền gròi ngan, tài jăt jơnau yal lài, lơgar Việt Nam geh là 1 tàm ală lơgar dờp aniai uă ngan bơh broă tam gơl trồ tiah mờ dà lềng gơguh tih. Lơgar Việt Nam sền broă sơndră mờ tam gơl trồ tiah, dà lềng gơguh tih, sơndră mờ rềs àr bơh trồ tiah là broă lơh kuơ màng tàm broă tơnguh bơtàu kơl jăt lơgar Việt Nam. Ồng Rajendra Pachauri đơs, anih duh broă mpồl tam klăc Gơnuar atbồ lơgar anih broă duh broă dunia dê geh sùm bal mờ lơgar Việt Nam tàm broă lơh ngan sơndră mờ tam gơl trồ tiah, dà lềng gơguh tih kung bè tàm broă sơndră mờ ală bơta gơl^k geh bơh trồ tiah ờ niam ndai tài gơrềng bơh tam gơl trồ tiah lơh gơl^k geh.