VOV4.K’ho - Drim òr 09/02, tàm [òn dờng Buôn Ma Thuột, càr Dak Lak, ồng Nguyễn Tấn Dũng kuang gơs gơnăp gơnuar atbồ hờđang rlao jơh dà lơgar bal mờ mpồl lơh broă Gơnuar atbồ lơgar neh geh dơ\ lơh broă mờ kuang bàng đơng lam atbồ càr Dak Lak bè broă mu\t lơh kơ nòl broă bơtàu tơnguh lơh sa mpồl bơtiàn bơh càr dê. Ồng Nguyễn Tấn Dũng sồr jơh ală anih lơh broă gùng dră bal, ală kơnă, ală gah tàm càr Dak Lak tơr gùm bal pràn, dùl nùs bal lơh ngan mu\t lơh geh mờ sơr lèt rlau jơnhoa ngan rlau jơh ală khà mờ kơ nòl broă bơtàu tơnguh lơh sa mpồl bơtiàn mờ Mpồl Đảng càr Dak Lak neh ai tơlik. Ồng Nguyễn Tấn Dũng sồr kuang bàng đơng lam atbồ càr Dak Lak pơn jăt tai kơlôi sơnơng, jòi sền, bơceh lơh kờn tơnhàu mờ ngui bơta pràn, bơta jak nàng bơtàu tơnguh lơh sa, ngan là bơta pràn bè ù tiah, kòn bơnus mờ ală phan bơna geh bơta pràn bè kơphê, kau su…Ồng kung tơngkah càr Dak Lak kờn pal sền gròi uă tus broă lơh bơ\t bơtàu Đảng, bơ\t bơtàu ală anih lơh broă gùng dră bal pràn kơldăng kơ\ kơl jăp bơh kơnă hơđơm, lơh geh mpồl kuăng bàng rcăng lài ai ală kơnă in, ngan là tàm ală bòn lơgar. Ồng đơs tờm: Dà lơgar geh bal mờ càr Dak Lak hời rơ hời bơsong bơta ntrờn ơm kis khăt gơboh kờn sền gàr niam rài kis ai làng bol ntrờn ơm kis in.