VOV4.K’ho - Drim òr 03/03, tàm hìu duh broă Gơnuar atbồ lơgar dê, ồng Nguyễn Tấn Dũng kuang gơs gơnăp gơnuar atbồ hờđang rlao jơh dà lơgar mơkung là Kuang atbồ Mpồl đơng lam Dà lơgar bè mu\t gơrờm bal mờ dunia đơng lam dơ\ pơrjum bal dơ\ sơn rờp bơh Mpồl đơng lam dê, kờ` sền wơl jơh ală broă lơh mu\t gơ rờm bal mờ dunia nam 2014 mờ ring bal gùng dà broă lơh mờ kơ nòl broă tàm nam 2015 do. Ồng Nguyễn Tấn Dũng đơs tờm: Gơnuar atbồ lơgar neh mu\t lơh niam Kơrnuat bơh Gah Gùng dră bal dà lơgar dê bè mu\t gơrờm bal mờ dunia bơh broă lơh lơh broă ngan ngồn. Broă lơh mu\t gơrờm bal mờ dunia tàm 2 nam do geh mu\t lơh dùl ròt mờ lơh geh uă cồng nha niam ngan, tă pơ gồp geh kuơ ngan tàm cồng nha lơh geh bal bơh dà lơgar dê. Việt Nam neh crơng gơs cau lơh broă bal dờng màng, cau lơh broă bal tơl làm mờ gi\t gơ\p lơh broă bal mờ jơh ală lơgar tàm dunia, pơ gồp bơnah uă ngan chul chồl lơh sa, jak chài, công nghệ, chài rơ gơi, bơto bơtê ngai sơlơ bơtàu tơnguh. Ồng Nguyễn Tấn Dũng đơs loh gùng dà broă lơh pờ mpồng drà kă bro, tàm pơr lòng là ngan ngồn, ai sền gàr dùl gah là kơria` is bơta bơtàu tơnguh.