Mho òr 09/01 tàm hìu lơh broă gơnuar atbồ lơgar, ồng Nguyễn Tấn Dũng, kuang gơs gơnap gơnuar atbồ hơđăng rlau jơh dà lơgar neh wă ồng Enrico Letta, kuang gơs gơnap gơnuar atbồ hơđăng rlau jơh lơgar Italia lài do gam geh dơ\ tus còp mờ lơh broă tàm lơgar he. Tàm dơ\ wă, ồng Nguyễn Tấn Dũng neh ràng tơlik nùs nhơm chờ hờp tềng đăp git gơp tam klac bal đah 2 lơgar gam bơtàu tơnguh niam bơne\ tàm ală gah mờ pa do ngan rlau jơh 2 gah neh ki\ broă lơh mut lơh git gơp tam klac kuơ màng Việt Nam-Italia. Ồng Nguyễn Tấn Dũng đơs tờm, Việt Nam kơp kờ` mờ lơh ngan jơh pràn, bal mờ lơgar Italia tơnguh bơta git gơp tam klac đah 2 lơgar ngai sơ lơ pràn rlau, ngan ngồn mờ geh cồng nha. Ồng Nguyễn Tấn Dũng sồr ồng Enrico Letta pơnjat tai geh ală tă pơ gồp jơh nùs nàng chul chồl git gơp tam klac bal đah 2 lơgar tàm ală gah, ngan là sơ lơ tam klac, dong kờl bal tàm ală dơ\ cribơyai dunia tài ngap lơngai, kơ\ kơljap, tam klac bal mờ bơtàu tơnguh tàm kơn hòal mờ dunia, chul chồl tam klac lơh sa, kă bro, bơcri priă kung bè chul chồl tam klac bè bơta bơtê mờ bơsram, tìp mat làng bol, sền gàr ngap lơngai, sền gàr dà lơgar, lơh broă ling klàng. Ồng Nguyễn Tấn Dũng kung kơp kờ` Italia dong kờl nàng jơnau pơr gon kă bro khat gơ boh Việt Nam mờ Mpồl tam klac châu Âu mhar geh ki\.