VOV4.K’ho - Tềng đăp bơta trồ prang dờng soat dà jo\ jòng tàm càr Ninh Thuận, ngai òr (13/04), ồng Nguyễn Tấn Dũng kuang gơs gơnap gơnuar atbồ hơđăng rlau jơh dà lơgar neh lòt sền broă sơndră trồ prang dờng soat dà tàm kơnhòal Bác Ái mờ kơnhòal Ninh Hải, càr Ninh Thuận. Ồng Nguyễn Tấn Dũng sồr ală kơnă gơnuar atbồ càr Ninh Thuận ba` lời khat dùl nă ]au lơi pal kong mờ ờ tơl dà hù], ờ tơl phan sa, mơkung sơlơ tơnguh ală broă lơh rơcang sơndră kòp gơlik geh, bơ tờp uă mờ gàr niam ờ do ờ dă phan ròng in. Ồng Nguyễn Tấn Dũng kung sồr kuang đơng lam bồ càr Ninh Thuận pơnjat tai đơng lam mờ mut lơh krà` ]ê kờ` lơh geh mờ sơrlèt ală khà bơtàu tơnguh lơh sa mpồl bơtiàn neh ai tơlik tàm nam do gơjat bal mờ bơyai lơh geh ]ồng nha pơrjum Đảng ală kơnă, tàm hơ\ pal đal git loh bơta pràn nàng bơtàu tơnguh. Mờ ù tiah ơnàng, tơngai duh, càl khồm pràn mơya ờ tơl dà, ồng Nguyễn Tấn Dũng đơs là Ninh Thuận pal rơndap tap sèng wơl broă lơh sa suơn sre, tơmù bă ù lơh kòi nàng sa] rơwah, rề ơnàng ală sơntìl chi tam ờ kờ` uă dà mơya kung gam hòn gơs mờ geh ]ồng nha tơnhàu uă bè tàu, plai táo, nho, tơngời,…ai ròng phan den tơr gùm bơtàu tơnguh mpồl be làt, kơnrồ, be gơjat bal mờ tam nhơt nàng lơh phan siam phan ròng in.

                                                                                                                                   Cau mblàng K’ Duẩn.