VOV4.K’ho - Tàm dơ\ tus còp ngan ngồn lơgar Australia, drim òr 17/03 tàm [òn dờng Sydney, ồng Nguyễn Tấn Dũng kuang gơs gơnap gơnuar atbồ hơđăng rlau jơh dà lơgar bal mờ mpồl kuang bàng dờng màng gơnuar atbồ lơgar he neh geh dơ\ cribơyai song dơpă mờ ală mpồl lơh sa kă bro lơgar Việt Nam mờ Australia bè bơta bơtàu tơnguh bơh broă lơh sa lơgar Việt Nam dê, kung bè ală bơta niam tam klac bơtàu tơnguh tàm bơta git gơp lơh broă bal tơl làm Việt Nam – Australia. Tàm dơ\ cribơyai, ồng Nguyễn Tấn Dũng neh iat mờ hơ ală jơnau lùp bơh ală mpồl lơh sa kă bro, cau bơcri priă lơgar Australia gơ rềng tus bơta kơp kờ`, bơta niam chul chồl mờ tơnguh ngan ngồn git gơp lơh broă bal tơl làm Việt Nam – Australia, ngan là chồl pràn tam klac tàm gah geh bơta pràn tàm pơr lòng bè tơnhàu phan kuơ tàm ù, năng lượng, dà sơnơm, lơh sa suơn sre, priă jền, anih priă jền, bơto bơsram mờ broă drơng ala geh bơta niam uă. Ồng Nguyễn Tấn Dũng đơs tờm, gơnuar atbồ lơgar Việt Nam dong kờl ală mpồl lơh sa kă bro lơgar Australia tus bal tàm broă rơndap tăp sèng wơl rài lơh sa lơgar Việt Nam, ngan là tàm ală gah geh bơta pràn bơh lơgar Australia dê bè năng lượng, phan bơna viễn thông, bơto bơsram, lơh sa suơn sre kơ\ kơljap mờ priă jền. kung tàm drim òr, ồng Nguyễn Tấn Dũng wă ờ uă mpồl lơh sa kă bro dờng lơgar Australia tàm gah viễn thông mờ yal jơnau tơngit, tơnhàu phan kuơ tàm ù, anih priă jền, năng lượng mờ nhơm zờu.