VOV4.K’ho – Mho òr 12/5, tàm anih ku\p rùp S14, Anih sơnio rùp Việt Nam, Mpồl mblàng yal gùng dà broă lơh Dà lơgar dê bơyai lơh dơ\ tìp mat mờ cau pơnrơ jak bè bơsram mờ lơh jat ơnà jak Bác Hồ dê. Ồng Nguyễn Thế Kỷ kuang geh jơng tàm Mpồl Đảng dà lơgar, kuang atbồ dờng Anih jơnau đơs Việt Nam tus bal dơ\ tìp mat.

Tơnơ\ mờr 5 nam kờp bơh ngai lam lơh (14/5/2011- 14/5/2016) lơh jat Kơrnoat sồr sồ 03 bơh Gah Gùng dră bal dà lơgar dê bè bơsram mờ lơh jat ơnà jak Bác Hồ dê, tus tu\ do, neh geh gi\t nđờ rhiang mpồl cau, cau dùl nă să is geh jờng rơ. Đơs tàm dơ\ tìp mat, ồng Nguyễn Thế Kỷ đơs là: Dơ\ tìp mat do là broă lơh gơ jat bal mờ dơ\ lơh broă gùng dră bal chài rơgơi tơngkah 126 nam Ngai deh Bác Hồ, mu\t lơh dơ\ te\ khà Gơnoar ala mat dà lơgar kơnă 14 mờ Mpồl duh broă ala mat làng bol ală kơnă tơngai lơh broă bơh nam 2016- 2021 mờ tơn jơh 5 nam lơh jat Kơrnoat sồr sồ 03 bơh Gah Gùng dră bal dà lơgar dê bè pơn jat tai lơh pràn bơsram mờ lơh jat ơnà jak Bác Hồ dê. Ồng Nguyễn Thế Kỷ đơs tờm: Nùs nhơm bồ tơngoh broă lơh niam bơh Bác Hồ dê là bơta pơgồp bal jak chài ngan ală bơhiàn niam bơne\ ngan bơh jơi bơtiàn he dê mờ là bơta jak chài ngan bơta chài rơgơi bơh kòn bơnus gùt dunia dê mờ là jơtài nùs nhơm dờng màng ngan bơh jơi bơtiàn he dê, làng bol he mờ Đảng he dê, là phan lòt jat bal kuơmàng ngan nàng dà lơgar he pơ`ìơ să, pin dờn kơ\ kơl jăp cơnđoà jơng lòt tus hờ đap.

Cau cih mờ yal tơngi\t- Lơ Mu K’ Yến