VOV4.K’ho – Tàm dơ\ còp mờ lơh broă tàm càr Lâm Đồng, mho òr ( 19/7), ồng Nguyễn Thiện Nhân, Kuang geh jơng Gah gùng dră bal dà lơgar, Kuang atbồ Anih duh broă Gah tề lam gùng dră bal dà lơgar Việt Nam neh tus còp, nting sap gờm chờ bàp yàng An Tôn Vũ Huy Chương – Hìu dong broă ỳang bàp Dà Làc, càr Lâm Đồng.

Ồng Nguyễn Thiện Nhân, kuang atbồ anih duh broă gah tề lam gùng dră bal Việt Nam lơh broă mờ cau kơ đơng yàng bàp tàm anih duh broă dờng yàng bàp Dà Làc

              Ồng Nguyễn Thiện Nhân neh yal mờ bèp ỳang An Tôn Vũ Huy Chương bè ală bơta bơtàu tơnguh niam tàm git gơp đah Việt Nam mờ hìu ỳang Vatican tàm tơngai do. Bèp ỳang An Tôn Vũ Huy Chương pà git, tàm ală nam do, bơdìh mờ broă bơto jơnau ỳang làng bol jat ỳang in, hìu dong broă ỳang bèp Dà Làc bal mờ Gơnoar atbồ tàm [òn lơgar sùm sền gròi mờ mut lơh niam ală dơ\ lam sồr bơh Gah tề lam gùng dră bal dà lơgar ală kơnă lam lơh. Ồng Nguyễn Thiện Nhân kơp kờ`, bèp ỳang An Tôn Vũ Huy Chương mờ gơnoar, bơngă he dê geh pơnjat tai lam sồr, pơlam ală bèp ỳang, cau jat duh broă ỳang mờ làng bol jat ỳang tus bal ală broă lơh mpồl bơtiàn, ală srơh pơrlòng kờ` gơboh dà lơgar, kờ` sền gròi rài kis hờm ram, ngap lơngai, chờ hờp tus mờ ală rơnàng làng bol, tàm hơ\ geh làng bol jat ỳang bàp, pơgồp bơnah bơt bơtàu mpồl tam klac dờng gùt jơi bơtiàn ngai sơlơ pràn kơldang, kơ\ kơljap.

                                                                                                                      Cau mblàng K' Duẩn.