VOV4.K’ho – Di dơ\ tơngkah 90 nam Ngai sră bău Kăc màng Việt Nam (21/06), mang òr 11/06, ồng Nguyễn Thiện Nhân kuang geh jơng Gah Gùng dră bal dà lơgar mơkung là Kuang atbồ Anih duh broă gah tề lam gùng dră bal dà lơgar Việt Nam neh lòt còp, mờ chờ gờm Pang bău Quân đội Nhân dân, mờ Pang bău Công an Nhân dân. Đơs tàm 2 anih lơh broă mờ ồng lòt còp, ồng Nguyễn Thiện Nhân đơs niam ngan ală bơta tă pơgồp bơh ală cau lơh bău tàm mpồl ling klàng phàu crong dê neh pơgồp bơnah kuơmàng tàm broă pơlam mpồl bơtiàn, kuang bàng, cau ling tàm mpồl ling klàng phàu crong kung bè cau sền sră bău tàm gùt lơgar. Ồng Nguyễn Thiện Nhân pin dờn là ală cau lơh bău geh pơn jat tai tơnguh jơnhoa bơta pơnyờ să tàm broă lơh, pơgồp bơnah bal mờ sră bău tàm gùt lơgar lơh niam kơnòl broă pơlam mpồl bơtiàn, kuơmàng tàm tu\ tơngai dà lơgar gam mu\t gơrờm bal uă ngan mờ geh ală bơta gơ tam gơl mờ kơ\p kờ`, tàm tơngai tus, 2 anih lơh bău do pơn jat tai lơh pràn ală broă lơh do, pơgồp bơnah bal mờ Đảng, Dà lơgar mu\t lơh niam ală gùng dà broă lơh dong kờl sền gàr tơl niam rài kis mpồl bơtiàn.