VOV4.K’ho – Mpồl kuang bàng ala mat dờng màng bơh Anih duh broă gah tề lam gùng dră bal dà lơgar Việt Nam, Mpồl lơh sa dà lơgar, Mpồl tam klac bal Mpồl lơh sa bal Việt Nam, bơh ồng Nguyễn Thiện Nhân kuang geh jơng Gah Gùng dră bal dà lơgar, mơkung là kuang atbồ Anih duh broă gah tề lam gùng dră bal dà lơgar Việt Nam lam bồ, gam geh dơ\ lòt còp mờ lơh broă tàm lơgar Đức mờ Italia. Tàm lơgar Đức, ồng Nguyễn Thiện Nhân neh tus bal Dơ\ lơh chờ “40 nam cau Việt Nam mu\t gơrờm bal mờ bơtàu tơnguh tàm lơgar Đức”; lơh broă mờ ală mpồl tam klac bal, mpồl lơh sa kă bro mờ ală mpồl cau bơh cau Việt Nam tàm lơgar Đức dê. Ồng Nguyễn Thiện Nhân geh jơnau đơs chờ hờp ngan tềng đăp ală cồng nha lơh geh bơh cau Việt Nam dê tàm lơgar Đức tàm rlau 40 nam do mờ geh jơnau đơs gi\t ưn ngài tus mờ Gơnoar atbồ lơgar mờ làng bol lơgar Đức neh lơh geh tơl ală bơta niam ai cau Việt Nam tàm lơgar Đức in bơsram, ơm kis mờ lơh sa kă bro. Ồng Nguyễn Thiện Nhân sồr Anih lơh broă ala mat mhar jòi gi\t ală bơta kơryan, bơta ờ pràn jak mờ ală cau bơyô lơgar Đức gam ờ khin bơcri priă, lơh sa kă bro tàm Việt Nam nàng yal mờ ală anih lơh broă geh gơrềng in mhar tă bơsong; yal tơngi\t ală bơta pràn bơh lơgar Việt Nam dê nàng gơhòi bơcri priă bơh Gơnoar atbồ lơgar mờ mpồl lơh sa kă bro lơgar Đức dê.

               Cau mblàng Lơ Mu K’ Yến