VOV4.K’ho –  Anih duh broă gah tề lam gùng dră bal dà lơgar, gơnoar atbồ ală kơnă kờn pal lơh geh tơl ală bơta niam dong kờl bè gùng dà broă lơh kơrnoat boh lam mờ pơgồp bal niam nàng cau pơnrơ jak, cau geh bơngă pin dờn pơn jat tai lơh jat niam gơnoar broă tàm [òn lơgar. Hơ\ là jơnau sồr bơh ồng Nguyễn Thiện Nhân, Kuang atbồ Anih duh broă gah tề lam gùng dră bal dà lơgar Việt Nam dê tàm Pơrjum “Lơh jat niam gơnoar broă cau pơnrơ jak geh bơngă pin dờn ală kòn cau Tây Nguyên tàm broă bơtòm tơrgùm, bơ\t bơtàu mpồl tam klac dờng gùt jơi bơtiàn” pa bơyai lơh lồi poh lài tàm [òn dờng Pleiku, càr Gialai.

Tàm dơ\ pơrjum, 40 nă cau ala mat ai rlau 5 rbô nă cau geh bơngă pin dờn tàm ală [òn lơgar bal mờ kuang bàng ala mat Anih duh broă gah tề lam gùng dră bal dà lơgar Việt Nam bơh 5 càr Tây Nguyên dê neh cribơyai bal mờ lơh loh làng bal 3 bơta: jơnau kơlôi sơnơng bè cau dùl nă să is pơnrơ jak, geh bơngă pin dờn tàm làng bol kòn cau, gùng dà broă lơh nàng tơnguh jơnhoa khà ală cau do, broă cau dùl nă să is pơnrơ jak, geh bơngă pin dờn tă pơgồp tàm bơta bơtàu tơnguh bơh [òn lơgar dê; gùng dà broă lơh nàng chul chồl, dong kờl cau dùl nă să is pơnrơ jak, geh bơngă pin dờn pơn jat tai tă pơgồp gơnoar broă tàm bơtàu tơnguh lơh sa- mpồl bơtiàn.

Uă cau đơs là, broă mu\t lơh gùng dà broă lơh gơ wèt tus mờ cau geh bơngă pin dờn, cau pơnrơ jak gam ờ hềt uă, ờ suk, ngan là jơnau sồr dùl [òn mìng geh 1 nă cau geh sa priă cau geh bơngă pin dờn. Tàm bơta geh ngan dùl [òn digơlan geh tus bơh 2 tus 3 nă cau geh bơngă pin dờn, cau pơnrơ jak.

Bal mờ hơ\, tàm uă tiah, ờ hềt đơs di gơnoar broă bơh cau geh bơngă pin dờn dê tàm [òn lơgar, ờ geh bơta pơgồp bal đah gơnoar atbồ [òn lơgar mờ mpồl cau kra [òn, cau geh bơngă pin dờn. Bơh hơ\, gơlam tus uă gùng dà broă lơh kal ke gơtùi mu\t lơh tàm [òn lơgar.

Ồng Y Bhem Knul, cau kra [òn là cau Rơđê, geh bơngă pin dờn tàm [òn Jắt A, ntum Ea Hiu, kơnhoàl Krông Pach, càr Daklak, pà gi\t: Bơta gơrềng bal đah cau geh bơngă pin dờn mờ [òn lơgar den geh tu\, geh anih jơnau yal tơngi\t bal mờ gơ\p in nàng lam sồr den gam ờ hềt tơl, den tàng gơlơh kal ke tàm bơta do. Nàng lơh niam bơta do, kờn bơta pơgồp bal niam bơne\ jơh bal ală anih lơh broă gùng dră bal, bal mờ cau kra [òn, cau geh bơngă pin dờn nàng lơh bal dùl broă. Mờ dilah ờ, den ală cau kra [òn, cau geh bơngă pin dờn kung ờ go\ kờn sơl bè priă jền, geh kung niam sơl mờ ờ geh den kung gam kơ\ nùs sơl nàng lơh nàng ală gùng dà broă lơh bơh Đảng, kơrnoat boh lam Dà lơgar dê tus geh mờ làng bol ngai sơlơ jrô ơnàng mờ loh làng rlau”.

  Ală cau tus bal pơrjum kung đơs là: Đảng, Dà lơgar mờ Gơnoar atbồ ală kơnă kờn pal sền gròi uă rlau tai tus broă lơh tơn jơh jơgloh tơrmù r[ah, bơcri priă ai bơto bơtê, lơh sơnơm, lơh phan bơna ai tiah sar lơgar ngài mờ tiah làng bol kòn cau in. Do là bơnàng jă kuơmàng nàng cau geh bơngă pin dờn mblàng yal làng bol tàm [òn lơgar in lơh jat gùng dà broă lơh bơh Đảng mờ Kơrnoat boh lam Dà lơgar dê.

Đơs pơndu\t pơrjum, ồng Nguyễn Thiện Nhân, Kuang geh jơng Gah Gùng dră bal dà lơgar, Kuang atbồ Anih duh broă gah tề lam gùng dră bal dà lơgar Việt Nam đơs tờm: rlau 5 rbô nă cau pơnrơ jak, cau geh bơngă pin dờn tàm Tây Nguyên tu\ do gam lơh gơnoar broă kuơmàng ngan tàm broă mblàng yal, bơto pơlam mờ mu\t lơh ală gùng dà broă lơh bơh Đảng, Kơrnoat boh lam bơh Dà lơgar dê; sền gàr niam lơngăp lơngai gùng dră bal, bơtàu tơnguh lơh sa- mpồl bơtiàn, prăp gàr mờ bơtàu tơnguh ală bơta kuơ chài rơgơi ờs mờng bơh yau.

Bơh bơta geh ngan, Anih duh broă gah tề lam gùng dră bal dà lơgar Việt Nam geh iat kơno jơh ală jơnau đơs tă pơgồp bơh ală cau kra [òn, cau geh bơngă pin dờn, dan mờ Đảng mờ Gơnoar atbồ lơgar bè ală gùng dà broă lơh, kơrnoat boh lam nàng pơn jat tai mu\t lơh niam gơnoar broă bơh mpồl cau kuơmàng do dê.

Ồng Nguyễn Thiện Nhân kung sồr, gah tề lam gùng dră bal dà lơgar, gơnoar atbồ ală kơnă bơh 5 càr Tây Nguyên dê pal sền gròi mu\t lơh bàr pe gùng dà broă lơh, bè: yal tơngi\t jơnau wil tơl, di tu\; lơh geh tơl ală bơta niam ai cau geh bơngă pin dờn in lơh broă bal tàm ală mpồl tàm [òn lơgar; sền gròi tus rài kis, jờng rơ mờ pà phan jờng di tu\ ală cau geh bơngă pin dờn in…Bal mờ hơ\, ală càr kờn pal sền gròi tus bơtàu tơnguh lơh sa, gơ jat bal mờ ală broă lơh tơrmù r[ah; dong kờl bơtàu tơnguh ală gah broă lơh ờs mờng bơh yau; lơh geh broă lơh, dong kờl priă càn ai làng bol tàm ală [òn lơgar in.

Ồng Nguyễn Thiện Nhân đơng lam Pơrjum cau geh bơngă pin dờn tàm Tây Nguyên.

Bè bàr pe bơta ờ hềt niam, ờ suk, ồng Nguyễn Thiện Nhân sồr ai jơnau bơsram jrô ơnàng bè broă lơh pơgồp bal đah gah tề lam, gơnoar atbồ [òn lơgar mờ cau geh bơngă pin dờn. Ồng Nguyễn Thiện Nhân, đơs: Bơh cribơyai, bol a` geh dùl jơnau bơsram là Gah tề lam gùng dră bal dà lơgar bal mờ cau kra [òn, cau geh bơngă pin dờn kờn pal pơgồp bal niam rlau tai. Kờn ngui niam cau geh bơngă pin dờn mờ cau ờ go\ gơ jat bal mờ gah tề lam gùng dră bal [òn lơgar, ờ gơ jat bal mờ cau kra [òn den là ờ hềt ngui niam jơh ờ. Bơta do kờn pal kah. A` sồr, lài mờ tu\ gơnoar atbồ [òn lơgar, gah tề lam lơh broă lơi den cribơyai lài mờ cau geh bơngă pin dờn mờ cau kra [òn nàng geh bơta pơgồp bal. Jat a`, do là jơnau bơsram mờ bol he sền go\, đơs sền gròi cau geh bơngă pin dờn mơya ờ go\ gơ jat bal mờ cau kra [òn mờ gơnoar atbồ mờ gah tề lam gùng dră bal [òn lơgar là ờ hềt tơl ngan”.

Cau cih mờ yal tơngi\t- Lơ Mu K’ Yến