VOV4.K’ho - Drim òr (26/8), tàm Hà Nội, anih duh broa\ gah tề lam gùng dra\ bal dà lơgar Việt Nam bơyai lơh pơrjum  sền wơl broa\ lơh geh lơh bal broa\ lơh dong kờl làng bol geh lơh niam wơl bơh gơbàn aniai bơh gơmut dà hang, phan tàm dà chơt ua\ ngan. Đơs tàm  pơrjum,  ồng Nguyễn Thiện Nhân kuang atbồ anih duh broa\ gah tề lam gùng dra\ bal dà lơgar Việt Nam hòi jà mờ bơhìan kuơ màng bơh jơi bơtìan “Nha ngan glòm nha sèt” ala\ gah sơnah lơh broa\ pơnjat tai attê bal dong làng bol tiah gơbàn gơmut dà hang,  trồ prang, phan tam dà  chơt ua\ den pal geh broa\ lơh  sơrlèt kal ke. Mơ kung, pơnjat tai  sền wơl khà pria\ mờ phan bơna gơl gơs pria\ bơh mpồl  bal,  [òn lơgar ờ hềt tam pà nàng geh broa\ lơh dong kờl làng bol gơbàn aniai bơh gơmut dà hang, trồ prang, phan  tàm dà chơt dùl ròt. Sền gròi khà pria\ dong kờl, geh tơm tus làng bol gơbàn aniai kờ` cèng geh  wơl cồng nha kuơ.

                   Cau cih mờ yal tơnggit K’ Brọp