VOV4.K’ho – Mho òr, 7/8, tàm Hà Nội, ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam lơh broă mờ Gah phan geh is mờ tiah ơm kis dà lơgar bè broă lơh tam dră mờ tam gơl trồ tiah mờ broă lơh pơgồp bal mut lơh kơnòl sền gàr tiah ơm kis. Ồng Nguyễn Thiện Nhân sồr Gah phan geh is mờ tiah ơm kis dà lơgar bal mờ Anih duh broă gah tề lam gùng dră bal dà lơgar Việt Nam pơnjat tai mut lơh ngan ngồn broă pơgồp bal tơngai bơh nam 2012 tus nam 2016, ngan là tàm gah ù tiah, dà, bồt dà lềng, tam dră mờ tam gơl trồ tiah mờ sền gròi lơh jat adat boh lam bè sền gàr tiah ơm kis, ngui mờ sền gàr phan geh is; bơt bơtàu rơndap broă mblàng yal, lam sồr cau kơđơng ỳang mờ cau ală gah jat ỳang tus bal sền gàr tiah ơm kis mờ tam dră mờ tam gơl trồ tiah tơngai bơh nam 2012 tus nam 2016. Ồng Nguyễn Thiện Nhân đơs:“ Gah tề lam gùng dră bal rơcang lài bơyai lơh pơrjum tơngume tàm nhai 11 tus do, sền wơl broă làng bol jat ỳang lơh jat broă lơh gùt làng bol sền gàr tiah ơm kis, bơh hơ\ dờp git tơngume mờr tus, tàm hơ\ geh ki\ broă lơh pơgồp bal mờ Gah tề lam gùng dră bal dà lơgar, Gah phan geh is mờ tiah ơm kis dà lơgar mờ ală gah jat ỳang. Jờng rơ ală tiah geh cau dùl nă să, cau jat ỳang lơh niam broă sền gàr tiah ơm kis. Bal mờ hơ\, bơt bơtàu broă lơh sền gròi bơh Gah tề lam gùng dră bal dà lơgar dê gơ rềng tus tam gơl trồ tiah nàng dan mờ Gơnoar ala mat dà lơgar tàm pơrjum dơ\ 10 tàm lồi nam do.”

                                                                                             Cau mblàng K' Duẩn.