VOV4.K’ho - Ngai òr 06/02,  ồng Nguyễn Thiện Nhân kuang atbồ anih duh broa\ gah tề lam gùng dra\ bal dà lơgar Việt Nam neh geh dơ\ tus lùp còp, pà phan sa tềp ala\ hìu nha\ kal ke tàm ntum Ea Yiêng, kơnhoàl Krông Pach, càr Dak Lak. Tus còp tiah do, ồng Nguyễn Thiện Nhân neh jơh nùs lùp còp bơta lơh sa, rài kis bơh làng bol ala\ kòn cau, bơh broa\ deh dùh, ròng siam oh kòn tus broa\ tam bùm, lơh kòi, sơng ka sền gàr chi tam phan ròng. Ồng kung neh lam sồr gơnoar atbồ [òn lơgar, mpồl bơtìan kờ` pal sền gròi rlau tai tus broa\ lơh bơt bơtàu [òn lơgar pa, nền nòn la bơtơt rbòng dà, drà, at tê sơdio broa\ pơlam bơta jak chài pa tàm broa\ lơh sa dong làng bol bơtàu tơngguh rài kis. Di tu\ sa tềp dà lơgar he nam Ất Mùi 2015 mờr tus, ồng Nguyễn Thiện Nhân neh pà 100 pò phan, tơl pò phan geh bal pria\ tus 1 tơlak pria\ ai tus ala\ hìu nha\ rbah tàm Ea Yiêng geh tơl bơta nàng bơyai lơh chờ sa tềp. Ồng đơs:“A` kơp kờ` làng bol tàm ntum he bal mờ mpồl cau lơh sa geh cri bơyai nền nòn. Broa\ lơh tơmù rbah kờ` pal lơh ngan sơng ka, lơh ngan  tàm dùl ba\ ù tơnhàu geh ua\ rlau. Dilah bal dùl ba\ ù tơnhàu tus 3 dơ\ bùm. Dilah bal dùl ba\ ù he geh 2 dơ\ bè tu\ do,  den he ờ kờ` pal pờ ơnàng ù lơh sa”.