VOV4.K’ho – Mho òr 14/3, ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam nting sap gờm chờ ồng Nguyễn Thế Kỷ, kuang atbồ pa Anih lơh broă jơnau đơs Việt Nam.

Ồng Nguyễn Thiện Nhân đơs là, tàm 71 nam do, Anih lơh broă jơnau đơs Việt Nam neh pơgồp bơnah kuơ màng lam dà lơgar bơtàu tơnguh tơl làm. Là cau dơ\ 6 at gơnoar broă lơh kuang atbồ dờng Anih lơh broă jơnau đơs Việt Nam, tơngai do geh pơrya kuơ màng ngan tu\ gùt lơgar pa bơyai lơh geh cồng nha pơrjum Đảng gùt lơgar dơ\ 12 mờ mờr tus mờ bơyai lơh te\ khà kuang bàng Gơnoar ala mat dà lơgar kơnă 14 mờ te\ khà kuang bàng Mpồl duh broă làng bol ală kơnă tơngai lơh broă bơh nam 2016 tus nam 2021. Mơkung pin dờn, tàm gơnoar broă pa, ồng Nguyễn Thế Kỷ geh lam Anih lơh broă jơnau đơs Việt Nam gơs là anih yal jơnau tơngit uă bơta lơh [au\: pờ tơlik jơnau đơs, sơn io rùp, [au\ cih, [au\ điện tử, pơgồp bơnah drơng làng bol tàm làm gùt ù tiah dà lơgar kung bè cau Việt nam tàm lơgar ndai. Ồng Nguyễn Thiện Nhân kung đơs là: tàm broă rơndap tap sèng wơl ală anih lơh [au\ tàm gùt lơgar, kơnòl bơh Anih lơh broă jơnau đơs Việt Nam dê kơn jơ\ kơn jut ngan, kơp kờ` Anih lơh broă jơnau đơs Việt Nam brồ guh bơta pràn yal jơnau tơngit, lơh niam phan bơna, tơngume, pơgồp bơnah bơtàu tơnguh Anih jơnau đơs Việt Nam dê.

                                               Cau cih mờ yal tơngit K’ Duẩn.