VOV4.K’ho – Di ngai chờ Nôel nam 2015, ngai òr 23/12, ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam tus còp, nting sap gờm chờ ală cau kơđơng ỳang Bàp mờ làng bol jat ỳang Bàp tàm càr Kon Tum.

Tus còp, nting sap gờm chờ di ngai chờ Nôel nam 2015 tàm hìu dong broă ỳang Bàp càr Kon Tum, ồng Nguyễn Thiện Nhân nting sap gờm chờ ồng Nguyễn Hùng Vị, atbồ mpồl dong broă hìu ỳang Bàp càr Kon Tum pa geh hìu ỳang Vatican pồ. Ồng Nguyễn Thiện Nhân kơp kờ`, tàm gơnoar broă pa, ồng Nguyễn Hùng Vị geh sền gròi nàng rài kis nùs nhơm bơh làng bol jat ỳang Bàp dê sùm niam bơne\, bal mờ Đảng, dà lơgar bơt bơtàu càr Kon Tum ngai sơlơ bơtàu tơnguh. Ồng Nguyễn Thiện Nhân pơyua jơnau nting sap gờm chờ tus ală cau kơđơng ỳang, cau dong broă ỳang bal mờ gùt làng bol jat ỳang Bàp càr Kon Tum wă rò ngai chờ Nôel mờ nam pa ngap lơngai, chờ hờp bal mờ bơta pin dờn tàm tơngai tơnơ\ do.

                                                             Cau cih mờ yal tơngit K’ Duẩn.