VOV4.K’ho - Ồng Nguyễn Thiện Nhân kuang atbồ anih duh broa\ gah tề lam gùng dra\ bal dà lơgar Việt Nam pa pơyua sra\ gờm chờ Noel nam 2015 tus ala\ cau kuang, cau kơđơng yàng mờ gùt làng bol Kitô hữu Việt Nam.

            Tàm sra\,  ồng Nguyễn Thiện Nhân  neh nting sap tus ala\ cau kuang bàng, cau kơđơng yàng,  mờ gùt làm cau jat yàng bơh làng bol Kitô hữu geh wa\  dùl kàl Noel chờ hờp,  boh gơbài mờ bềng bơta sền gròi Bàp yàng dê, tam klac tàm gah tam klac gùt jơi bơtìan. Ồng Nguyễn Thiện Nhân đơs loh: Anih duh broa\ gah tề lam gùng dra\ bal dà lơgar Việt Nam cih dờp mờ  đơs niam ala\ ta\ pơ gồp dờng màng bơh làng bol cau jat yàng Bàp mờ làng bol jat yàng Tin Lành Việt Nam tàm broa\ sền gàr mờ chồl guh bơhìan kờ` gơboh dà lơgar, lòt bal  mờ làng bol, mut lơh niam ala\ gùng dà broa\ lơh bơh Đảng, Dà lơgar mờ nhap nhar tus bal ala\ broa\ lơh bơh Gah tề lam gùng dra\ bal dà lơgar Việt Nam.

            Ồng Nguyễn Thiện Nhân kung geh đơs bơta pin dờ` làng bol  jat yàng Bàp mờ yàng Tin Lành Việt Nam  geh sùm chồl guh bơhìan kờ` gơboh dà lơgar, bal mờ jơi bơtìan, kis “Niam rài kis,  niam gùng   yàng”, tam klac bal mờ làng bol gùt lơgar,  geh ta\ pơ gồp kuơ màng tàm rài tam klac dờng gùt jơi bơtìan, bơt bơtàu mờ sền gàr dà lơgar, tài broa\ lơh làng bol pas gơs, dà lơgar pràn, lơh tờm,  drờm bal mờ gơguh jak.

                                      Cau cih mờ yal tơnggit K’ Brọp