VOV4.K’ho –  Ngai òr 25/10, tàm Hà Nội, Anih duh broă gah tề lam gùng dră bal dà lơgar Việt Nam, Anih kơlôi sơnơng jak chài mpồl bơtiàn Việt Nam, Anih kơlôi sơnơng jak chài- măy mok Việt Nam, Mpồl ơruh pơnu Cộng sản Hồ Chí Minh dà lơgar bơyai lơh cribơyai dơ\ cribơyai tă pơgồp jơnau đơs tàm rơndăp cih sră nggal Pơrjum dờng dơ\ 12 bơh Đảng dê mờ tơngume “Brồ guh bơta kuơ chài rơgơi Việt Nam mờ ròng gàr nùs nhơm kờn gơboh dà lơgar, pơnìơ să jơi bơtiàn, bơta kơ\p kờn tă pơgồp bơh rơnàng kơnòm să, lam lài lòt lài tàm bơ\t bơtàu dà lơgar”. Ồng Nguyễn Thiện Nhân kuang atbồ anih duh broă gah tề lam gùng dră bal dà lơgar Việt Nam tus bal. Tàm dơ\ cribơyai, ală cau mờng chài, ală cau jak đơs là: rlau mờ tu\ lơi jơh, tàm tu\ tơngai mu\t gơrờm bal tu\ do kờn pal lơh geh ală bơta kuơ chài rơgơi bơh kòn bơnus Việt Nam. Ồng Nguyễn Thiện Nhân đơs tờm: bơta lòng tus mờ bơta bơtàu tơnguh dà lơgar tàm ală nam tus là pràn kơldang ngan, kơ\p kơnờm uă ngan tàm rơnàng kơnòm să, ală cau geh bơta kơ\p kơnờm, bồ tơngoh jak, pal bơsong geh bơta ờ lơh niam ngan rlau jơh bơh cau Việt nam dê, pal lòt lài tàm broă lơh jat adat boh lam, lơh jat bơta lơh glài bơh adat boh lam dê. Gơrềng tus broă brồ guh bơta kuơ chài rơgơi Việt Nam, ồng Nguyễn Thiện Nhân đơs là kờn pal đơs tờm gơnoar broă bơh hìu bơnhă dê, lơh geh tơl ală bơta ai rơnàng kơnòm să in nàng chul chồl bơta bơceh pa, lơh lài broă ngui cau jak tàm broă lơh atbồ, sền gròi rài kis bơtàu tơnguh bơta chài rơgơi tiah làng bol ală kòn cau, ală gah jat yàng…

Cau cih mờ yal tơngi\t- Lơ Mu K’ Yến