VOV4.K’ho – Drim òr, 14/7 tàm Hà Nội, anih duh broă gah tề lam gùng dră bal dà lơgar Việt Nam bơyai lơh pơrjum tàm internet gùt lơgar bơto pơlam kuang bàng gah tề lam gùng dră bal nam 2016. Tàm pơrjum, ồng Nguyễn Thiện Nhân kuang atbồ anih duh broă gah tề lam gùng dră bal dà lơgar đơs là, mờ sơnua boh lam nam 2013, dơ\ sơn rờp, gah tề lam gùng dră bal geh gơnoar sền gròi mờ cribơyai mpồl bơtiàn mờ dơ\ sơn rờp geh adat gah tề lam gùng dră bal dà lơgar Việt nam, mut lơh ngan ngồn gơnoar sền gròi mờ cribơyai mpồl bơtiàn bơh gah tề lam gùng dră bal dà lơgar dê. Den tàng bơdìh mờ kơnòl bơh gah do dê là ala mat gơnoar mờ bơta kuơ dipal bơh làng bol dê, brồ guh làng bol lơh tờm, mut lơh ringbal mpồl bơtìan den kơnòl bơh gah tề lam gùng dră bal sùm geh ơn tàm ròt mpồl lơh broă gùng dră bal gùt lơgar, hơ\ là Đảng đơng lam, dà lơgar atbồ, gah tề lam gùng dră bal lam sồr sền gròi mờ làng bol lơh tờm.