VOV4.K’ho – Drim òr 22/09, Pơrjum dờng Mpồl Đảng càr Ninh Bình dơ\ XXI tơngai lơh broă bơh nam 2015- 2020 neh mu\t pơrjum yu\ rơ yùm tàm [òn dờng Ninh Bình mờ bơta tus bal bơh 339 nă kuang bàng dê ala mat tus rlau 64 rbô nă cau geh Đảng tàm gùt Mpồl Đảng. Đơs tàm dơ\ pơrjum, ala mat Gah Gùng dră bal dà lơgar, ồng Nguyễn Thiện Nhân kuang atbồ anih duh broă gah tề lam gùng dră bal dà lơgar Việt Nam chờ gờm Mpồl Đảng, ling klàng mờ làng bol càr Ninh Bình neh lơh geh ală cồng nha kuơmàng tàm 5 nam do. Nàng ai càr Ninh Bình bal mờ gùt lơgar mu\t tàm tu\ tơngai bơtàu tơnguh pa, ồng Nguyễn Thiện Nhân sồr Pơrjum dờng tơrgùm cribơyai uă, sền sơ wì mờ geh broă rơndăp lơh nàng bơsong 2 bơta: dơ\ dùl là bơh tài kờp jơh bơcri priă jơh gùt mpồl bơtiàn tàm 5 nam do bơh Ninh Bình dê geh 20 rbô 713 tơmàn, sơrlèt 38% pơndrờm mờ khà ai là 15 rbô tơmàn, mơya gơguh tai lơh sa geh 11,7%, lơyah rlau pơndrờm mờ khà ai là 14% dùl nam. Dơ\ bàr là tàm broă bơ\t bơtàu ală anih lơh broă Đảng mờ gơnoar atbồ sàng goh, pràn kơldang kơ\ kơl jăp, bal mờ ală cồng nha lơh geh ngan ngồn, kờn pal song dơ pă yal ală bơta ờ hềt niam ờ hềt pràn jak mờ broă lơh bơsong bơta do.

Cau cih mờ yal tơngi\t- Lơ Mu K’ Yến