VOV4.K’ho - Di tơngkah 60 nam ngai cau lơh sơnơm Việt Nam, mho òr 25/02, ồng Nguyễn Thiện Nhân kuang geh jơng gah gùng dră bal dà lơgar, kuang atbồ anih duh broă gah tề lam gùng dră bal dà lơgar Việt Nam tus còp mờ nting sap gờm chờ kuang bàng, cau lơh broă gah lơh sơnơm dà lơgar mờ đah lơh sơnơm ling klàng di gah sền gàr dà lơgar. Tàm đah lơh sơnơm ling klàng di gah sền gàr dà lơgar, ala mat làng bol gùt lơgar, ồng Nguyễn Thiện Nhân pơyua jơnau nting sap niam ngan rlau jơh, nùs nhơm bal mờ bơta kah ưn ngài tus kuang bàng, y bác sĩ đah lơh sơnơm ling klàng ală nam do neh geh uă tă pơ gồp mờ broă lơh sền gròi, sền gàr pràn kơldăng să jan cau ling mờ làng bol. Sền ngềr mờ đơs niam ală bơhìan kuơ màng bơh gah lơh sơnơm ling klàng dê, ồng Nguyễn Thiện Nhân kơp kờ`, đah lơh sơnơm ling klàng pơnjat tai bơtàu tơnguh bơhìan dờng màng bè pơ gồp bal lơh sơnơm làng bol mờ ling klàng, bơtàu tơnguh rlau tai bơta pràn neh geh, pơ gồp bal mờ gah lơh sơnơm làng bol, rề ơnàng lơh broă bal dunia, brồ guh mờ tus bal uă rlau, geh cồng nha rlau tàm broă lơh sền gròi, sền gàr, tơnguh niam pràn kơldăng să jan làng bol, pơgồp bơnah bơtàu tơnguh gah lơh sơ ơm lơgar Việt Nam, wèt tus jơnau kờ` tơnguh niam rài kis, tơnguh niam mpồl cau lơh broă.