VOV4.K’ho – Mang òr 14-6, tàm Hà Nội, Mpồl đơng lam dà lơgar lam sồr ai is mhàm bơyai lơh “ Jờng rơ cau ai is mhàm geh pơn rơ lơgar Việt Nam nam 2015”. 100 nă cau ai is mhàm geh pơn rơ neh geh jờng rơ tàm dơ\ bơyai lơh. Đơs tàm dơ\ bơyai lơh, ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam đơs là, do là broă lơh ai go\ bơta sền màng bơh Đảng, Dà lơgar dê; bơta kah ưn ngài mờ jờngrơ bơh gùt mpồl bơtiàn dê tus mờ ală cau ai is mhàm mờ lam sồr ai is mhàm, pơgồp bơnah dong cau kòp. Ồng Nguyễn Thiện Nhân sồr Gah yal tơngit mờ mblàng jơnau dà lơgar mờ ală anih yal jơnau tơngit pơnjat tai chồl pràn mblàng yal bơta kuơ bơh broă ai is mhàm gơjat bal mờ kơnòl làng bol bơh tơl nă cau dê, bơh hơ\ bơt bơtàu srơh ai is mhàm lơgar he ngai sơlơ bơtàu tơnguh kơ\ kơljap, Gah lơh sơnơm dà lơgar jal mhar lơh jơh rơndap adat ai is mhàm mờ tế bào gốc nàng tong Gơnoar atbồ lơgar in yal mờ Gơnoar ala mat dà lơgar tàm nam 2016.