VOV4. K’ho - Mho òr 01/02, ồng Nguyễn Thiện Nhân kuang atbồ anih duh broă gah tề lam gùng dră bal Việt Nam tus còp, pà phan satềp hìu ròng siam cau ling sồt să Thuận Thành, càr Bắc Ninh. Đơs niam broă dong kờl bơh càr Bắc Ninh dê tus mờ hìu ròng siam mờ ală cau ling sồt să, cau ling kòp tê jê să, ồng Nguyễn Thiện Nhân đơs la: gah bơto bơtê mờ bơsram geh broă drơng cau geh màng mờ dà lơgar, tiah tềl kah yau, den tàng, dan càr Bắc Ninh pơgồp bal mờ hìu ròng siam do rơwah 1 hìu bơsram tàm càr kờ` dong kờl hìu ròng siam, sùm tus còp să, dong kờl ală cau ling sồt să, cau ling kòp tê jê să. Mờ broă lơh tus mờ cau geh màng mờ dà lơgar, ồng Nguyễn Thiện Nhân sồr hìu ròng siam do, gah lơh broă, cau ling sồt să mờ mpồl bơtiàn càr do tơrgùm khà măt 11 nă cau gam ờ hềt geh dờp broă gơtìp sơnơm khih tàm rài tam lơh, lơh aniai kờ` yal mờ Gah sền gàr dà lơgar, Gah lơ broă, cau ling sồt să mờ mpồl bơtiàn dà lơgar sền wơl, tài ală cau do neh là cau ling kòp tê jê să jroă, sơnam neh dờng, ờ gơtùi kơ\p tai. Mờ gah tề lam gùng dră bal hơ geh sền gròi, bơsong mờ yal mờ gơnoar atbồ lơgar pơn jăt tai lơh di pal tơnơ\ mờ tu\ neh sền wơl broă lơh tus mờ cau geh màng mờ dà lơgar.