VOV4.K’ho – Ngai òr, 18/11, ồng Nguyễn Thiện Nhân, Kuang atbồ Anih duh broă gah tề lam gùng dră bal dà lơgar Việt Nam tus bal dơ\ bơyai lơh tơngkah 34 nam ngai cau pơgru Việt Nam tàm hìu bơsram dờng An ninh Nhân dân. Ồng Nguyễn Thiện Nhân đơs tờm, 70 nam do, ală rơnàng cau pơgru bơh hìu bơsram dờng An ninh Nhân dân mờ bơta jơh nùs bal mờ bơta kờ` gơboh broă lơh neh tă pơgồp jơh pràn tus mờ broă lơh bơto bơtê mờ bơsram bơh mpồl kuang àng làng bol, drơng uă ngan tus broă lơh bơt bơtàu mờ sền gàr dà lơgar. Ồng Nguyễn Thiện Nhân sồr, hìu bơsram pơnjat tai sền gròi tơnguh bơta niam mpồl cau pơgru bè pràn jak bơto bơtê, kơlôi sơnơng jak chài mờ bơta pràn mut gơ rờm bal dunia.

               Cau cih mờ yal tơnggit K’Duẩn