VOV4.K’ho – Di dơ\ tơngkah Ngai Kơnràn lik lìng nam 2016, ồng Nguyễn Thiện Nhân, Kuang atbồ Ủy ban Mặt trận dà lơgar Việt Nam pơyua sră chờ gờm ală cau duh broă yàng mờ làng bol dòn yàng Bàp mờ yàng Tin lành Việt Nam chờ gờm wa\ rò Ngai Kơnràn lik lìng mờ nam pa chờ hờp, niam bơne\ mờ bềng lìu bơta lơngai bơh yàng dê ai pà. Ồng Nguyễn Thiện Nhân, đơs tờm: Tàm nam do, làng bol jat yàng Bàp mờ yàng Tin lành lơh jat niam bơhiàn kis “Niam tàm rài kis, lơh àng sơndah jơnau yàng”, ơm kis đềt mềr mờ tàm sơm băt tê bal, tă pơgồp bal bơta pràn mờ làng bol tàm gùt lơgar tơryang tơryồng lơh broă lơh sa, lơh jat niam nùs nhơm bơceh pa, sơrlèt gan jơh ală kal ke nàng bơtàu tơnguh lơh sa, gàr kơ\ bơta lơngăp lơngai dà lơgar, rơndăp tăp sèng ờdo ờdă gùt mpồl bơtiàn, lơh bal jơh nùs tàm ală broă lơh lam sồr cau duh broă yàng mờ cau dòn yàng sền gàr tiah ơm kis, mu\t lơh sền gàr tơl niam rài kis mpồl bơtiàn mờ ờdo ờdă phan sa, sền gàr gơnoar tờm dà lơgar…Bơh ală broă lơh geh kuơ mờ cồng nha ngan ngồn, làng bol jat yàng Bàp mờ yàng Tin lành neh pơgồp bơnah kuơmàng tàm broă lơh kơ\ kơl jăp mờ bơtàu tơnguh bơta pràn tam klac dờng jơh gùt jơi bơtiàn.

Cau cih mờ yal tơngi\t- Lơ Mu K’ Yến