VOV4.K’ho – Ngai òr, 27/4, tàm dơ\ lam lơh broă uă lam sồr gùt làng bol tus bal srơh “Kis git jơnau git adat” wèt tus tơngkah 70 nam ngai cau ling sồt să, cau ling chơt màng, Chủ tịch Ủy ban Mặt trận dà lơgar Việt Nam Nguyễn Thiện Nhân hòi jà ală anih lơh broă, mpồl bal, cau 1 nă să kung bè ală hìu nhă geh ală broă lơh ngan ngồn nàng pơgồp bơnah sền gròi ală hìu nhă cau ling chơt màng, cau ling sồt să, hìu nhă geh sră dong kờl bơh dà lơgar in. 10 nam do, srơh “Kis git jơnau git adat” neh lam sồr tă pơgồp geh priă nàng lơh pa 90 nơm hìu mờ lơh niam 75 rbô nơm hìu ai hìu nhă geh màng mờ dà lơgar in. Bulah bè hơ\, jơnau kờ` lơh hìu mờ lơh niam hìu ai ală hìu nhă cau geh màng mờ dà lơgar in tu\ do kung gam uă ngan, pơgap rlau 280 rbô nơm. Ồng Nguyễn Thiện Nhân hòi jà gùt mpồl bơtìan tă pơgồp bal sền gròi dong kờl ală cau ling sồt să, oh kòn cau ling sồt să, cau ling chơt màng, cau tàm mpồl ơruh pơnu lam lài lài do, cau gơtìp sơnơm khih điôxin lơh aniai mờ hìu nhă geh sră dong kờl bơh dà lơgar. Tàm dơ\ lam lơh, rlau 50 mpồl bal, cau 1 nă să, mpồl lơh sa kă bro neh tă pơgồp tàm kes priă kes git jơnau git adat, mờ khà priă mờr 3 tơmàn 800 tơlak.

                  Cau cih mờ yal tơnggit K’Duẩn