VOV4.K’ho – Di dơ\ tơngkah 71 nam Ngai crơng gơs Mpồl ling klàng làng bol Việt Nam (22/12/1944- 22/12/2015), ồng Nguyễn Thiện Nhân kuang atbồ Anih duh broă gah tề lam gùng dră bal dà lơgar Việt Nam tàm lồi poh lài neh lòt còp mờ chờ gờm Anih prăp gàr phan kuơ yau kah yau ling klàng Việt Nam. Ồng Nguyễn Thiện Nhân đơs tờm, ală phan bơna ràng tơlik tàm anih prăp gàr phan kuơ yau geh bơta pràn nùs nhơm dờng màng ngan. Gah tề lam gùng dră bal dà lơgar Việt Nam tu\ lơi kung kờn pơgồp bal nàng brồ guh ală bơta kuơ bơh Anih prăp gàr phan kuơ yau dê, bè lam lơh dơ\ pơrlòng cih, wa\c rùp bè ală bơta phan tàm Anih prăp gàr phan kuơ yau mờ ală jơnau yal gơrềng tus ală bơta phan bơna hơ\. Di tàm dơ\ do, ồng Nguyễn Thiện Nhân neh jàu pà Anih prăp gàr phan kuơ yau kah yau ling klàng Việt Nam in 71 pang priă bơh Anih duh broă gah tề lam gùng dră bal jơi bơtiàn tơngklàs tiah đah jum dà lơgar Việt Nam dê, pơrya tus 71 nam ngai bơhiàn Mpồl ling mờ bàr pe bơta phan bơna kah yau ndai.

Cau cih mờ yal tơngi\t- Lơ Mu K’ Yến