VOV4.K’ho – Tàm ală ngai bơh 16 tus 19/5, ồng Nguyễn Văn Bình kuang atbồ mpồl lơh sa dà lơgar bal mờ 4 nă cau tơlik mat te\ khà kuang bàng gơnoar ala mat dà lơgar kơnă 14 neh tìp mat cau te\ khà tàm mpồl te\ khà sồ 2 càr Quảng Bình. Tàm broă lơh he dê, ală cau tơlik mat te\ khà kuang bàng gơnoar ala mat dà lơgar kơnă 14 neh yal broă lơh tềng đap gal ngan cau te\ khà càr Quảng Bình dilah geh pồ lơh kuang bàng gơnoar ala mat dà lơgar. Tềng đap ală bơta mờ cau te\ khà càr Quảng Bình sền gròi bè sền gàr gơnoar tờm bồt dà lềng bơh dà lơgar dê, bơta ờ niam tiah kis dà lềng, ka chơt nisơna tàm 4 càr đah tô tàm gùl lơgar, ồng Nguyễn Văn Bình đơs tờm, gơnoar atbồ lơgar neh mut lơh ală broă lơh dong kờl làng bol ală càr gơtìp aniai sơrlèt gan kal ke, bè ờs wơl rài kis, mơkung jal mhar lùp khàu, đal git di jơnau lơh gơbàn bơta ờ niam, ală cau geh gơrềng mờ lơh glài krà` broă lơh tìs jat jơnau cih kơrnuat boh lam dê, ờ lời khat 1 mpồl halà cau 1 nă să lơi.

                       Cau cih mờ yal tơngit K’ Duẩn.