VOV4.K’ho – Pơrjum cau ala mat Đảng bộ càr Dak Nông dơ\ 12 neh ngan ngồn mut lơh drim ngai 15/10. Ồng Nguyễn Văn Bình, Ủy viên Bộ Chính trị, Bí thư Đảng dà lơgar, Kuang atbồ Ban Kinh tế dà lơgar neh tus bal mờ đơng lam pơrjum.

              Pơrjum cau ala mat Đảng bộ càr Dak Nông dơ\ 12, tơngai lơh broă bơh nam 2020 tus nam 2025

Jat jơnau yal chính trị tàm pơrjum, tơ nơ\ 5 nam lơh jat nghị quyết pơrjum Đảng bộ càr dơ\ 11, tơngai lơh broă bơh nam 2015 tus nam 2020, tus tu\ do, càr Dak Nông neh lơh gơs ală jơnau kờ` bơtàu tơnguh lơh sa mpồl bơtìan.

Dak Nông neh đal git loh 3 tơngume tờm bơtàu tơnguh: dùl là, công nghiệp boxit – trà mờ năng lượng kloh niam; 2, là, lơh sa suơn sre ngui công nghệ cao jat ròt bơta kươ lơh geh; mờ 3 là nhơl chờ bơh tàm ală bơta pràn bè trồ tiah, ù tiah, ngan là Công viên địa chất gùt plai ù Dak Nông. 

      Ồng Nguyễn Văn Bình, Ủy viên Bộ Chính trị, Bí thư Đảng dà lơgar, Kuang atbồ Ban Kinh tế dà lơgar đơs đơng lam pơrjum

Pơrjum cau ala mat Đảng bộ càr Dak Nông dơ\ 12 neh tơlik 5 kơ nòl broă tờm, 3 broă tam gơl kuơmàng nàng bơtàu tơnguh càr Dak Nông, wèt tus jơnau kờ` lơh ngan gơ gơs là càr bơtàu tơnguh dimơ mờ pràn tàm nam 2025 mờ càr bơtàu tơnguh pràn tàm nam 2030 bơh tiah Tây Nguyên dê. 

 Đơs đơng lam tàm pơrjum, ồng Nguyễn Văn Bình, Ủy viên Bộ Chính trị, Bí thư Đảng dà lơgar, Kuang atbồ Ban Kinh tế dà lơgar đơs nền 4 mpồl broă mờ càr Dak Nông pal lam lơh tàm tơngai tus. Kơ nòl kươmàng là sơlơ bơt bơtàu, lơh niam wơl Đảng mờ mpồl lơh broă chính trị sàng kloh, pràn kơldang, kơ\ kơljap tơl làm; kơ nòl tờm là bơtàu tơnguh lơh sa, tơnguh ua\ ngan rlau jơh bơta pràn, bơta [uơn, lơh gơlik bơta tam gơl loh làng, ngan ngồn rlau tai tàm broă tam gơl rơndap tap sèng lơh sa, nàng kờ` tơnguh rlau tai cồng nha bơto bơsram, lơh sơnơm mờ sền gròi tơl gah rài kis bơh làng bol dê, sơlơ sền gàr dà lơgar, sền gàr lơngap lơngai.

Cau mblàng K’Duẩn