VOV4.K’ho – Tơnơ\ 3 ngai lơh broă mờ nùs nhơm geh kơnòl uă, Pơrjum dờng cau ala mat Mpồl Đảng càr Kon Tum dơ\ XV (tơngai lơh broă bơh nam 2015- 2020) neh jơh lơh ală broă neh ai tơlik mờ tơn jơh tàm drim ngai 3/10. Pơrjum dờng cau ala mat Mpồl Đảng càr Kon Tum dơ\ XV, tơngai lơh broă bơh nam 2015- 2020 neh pồ Mpồl duh broă Đảng tơngai lơh broă pa tàm hơ\ geh 54 nă kuang bàng.

Mpồl duh broă Mpồl Đảng tơlik măt dơ\ Pơrjum

Tàm pơrjum dơ\ dùl, Mpồl duh broă Mpồl Đảng càr pồ Mpồl lơh broă sùm Mpồl đơng lam Đảng càr Kon Tum geh 15 nă kuăng bàng. Ồng Nguyễn Văn Hùng geh pồ lơh tai Kuang atbồ đơng lam Đảng càr Kon Tum.

Ồng Nguyễn Văn Hùng geh pồ lơh tai Kuang atbồ đơng lam Đảng càr Kon Tum

Kơrnoat pơrjum dờng cau ala mat Mpồl Đảng càr Kon Tum dơ\ XV ai khà gơguh tai lơh sa kờp bal pah nam tơngai bơh nam 2015- 2020 rlau 9%; lơh ngan tus nam 2020 priă lơh geh kờp bal dùl nă cau geh rlau 2500 dolar Mỹ; tă dia dà lơgar lơh geh rlau 3500 tơmàn priă; tơmu\t đảng pa ai rlau 5 rbô nă cau in; jơh ală [òn ndrờm geh mpồl đảng. Nàng mu\t lơh jai pha ală khà do, Kơrnoat Pơrjum dờng cau ala mat mpồl Đảng càr Kon Tum dơ\ XV kung geh uă broă rơndăp lơh bơsong, bè: tơrgùm hòi jà tă pơgồp mờ ngui geh cồng nha ală bơnah priă jền nàng bơcri bơ\t bơtàu ală phan bơna lơh sa- mpồl bơtiàn jat gùng dà lơh dùl ròt bal, lơh pa niam; mu\t lơh rơndăp tăp sèng wơl jơh dùl ròt rài lơh sa jat gùng dà tơnguh jơnhoa phan lơh geh, bơta niam, cồng nha mờ bơta pràn tàm pơrlòng gơ jat bal mờ lơh mhar ală broă lơh lơh sa pa mờ măy mok, tam gơl pa dà lơgar; tơnguh jơnhoa pràn jak, cồng nha lơh broă bơh gơnoar atbồ ală kơnă dê.

Cau cih mờ yal tơngi\t- Lơ Mu K’ Yến