VOV4.K’ho – Ngai òr, 06/5, tàm cơldu\ lơh broă gơnoar atbồ lơgar, ồng Nguyễn Xuân Phúc neh wă mờ cribơyai broă mờ ồng Sheikh Jaber Mubarak Al-Hamad Al-Sabad, kuang gơs gơnap gơnoar atbồ hơđang rlau jơh lơgar Kuwait gam còp lơgar Việt Nam.

Ồng Nguyễn Xuân Phúc gờm chờ kuang gơs gơnap gơnoar atbồ hơđang rlau jơh lơgar Kuwait bal mờ kuang bàng dờng màng dà lơgar Kuwait tus còp lơgar Việt Nam di tu\ 2 lơgar tơngkah 40 nam ngai crơng gơs git gơp lơh broă bal ( 1976 – 2016), sền do là dùl cơng tàng loh làng ngan tus mờ git gơp tam klac ngai sơlơ bơtàu tơnguh đah 2 lơgar. 2 nă kuang neh ràng tơlik bơta niam nùs tềng đap bơta bơtàu tơnguh niam bơne\ bơh git gơp tam klac uă gah đah 2 lơgar tàm 40 nam do, đơs niam bơta dong kờl bal mờ gơp tàm bơtàu tơnguh lơh sa kung bè tàm ală cribơyai uă lơgar, ngan là tàm anih duh broă dunia; đơs tờm nùs nhơm lơh ngan sơlơ tơnguh rlau tai bơta git gơp do tàm tơngai tus, kuơ màng là tàm ală gah kă bro, nhơm zờu, bơcri priă, dong kờl bơtàu tơnguh, lơh broă, bơto bơtê mờ bơsram… Ồng Nguyễn Xuân Phúc đơs tờm: tàm broă lơh mờ lơgar ndai jat rơndap broă uă gah he dê, Việt Nam sền dờng màng bơtàu tơnguh git gơp lơh bơ yô tam klac mờ Kuwait mờ ală lơgar Trung Đông; kơp kờ` lam git gơp Việt Nam – Kuwait ngai sơlơ bơtàu tơnguh, geh cồng nha, kơ\ kơljap, pơ gồp bơnah tàm bơta bơtàu tơnguh bơh tơl lơgar dê, tài bơta kuơ bơh làng bol 2 lơgar dê, tài lơngap lơngai mờ lơh bơyô bal tàm Trung Đông mờ tiah đah jum mattơngai lik châu Á kung bè tàm dunia.

                           Cau cih mờ yal tơngit K’ Duẩn.