VOV4.K’ho – Mho òr, 11/7, tàm hìu lơh broă gơnoar atbồ lơgar, ồng Nguyễn Xuân Phúc, kuang gơs gơnap gơnoar atbồ hơđang rlau jơh dà lơgar, kuang atbồ mpồl duh broă pơrlòng pà khà jờng dà lơgar neh đơng lam pơrjum dơ\ 65 bơh mpồl duh broă pơrlòng pà khà jờng dà lơgar bè broă lơh bơh mpồl dê 6 nhai bồ nam, ală kơnòl lồi nam 2016. Đơs tơn jơh dơ\ lơh broă, ồng Nguyễn Xuân Phúc đơs, ală srơh pơrlòng tàm tơngai lài lơh geh uă cồng nha niam, li la, gơ jat bal mờ kơnòl gùng dră bal geh jàu. Bulah bè hơ\, ồng Nguyễn Xuân Phúc kung đơs tus ờ uă bơta ờ niam, hơ\ là cồng nha ờ uă srơh pơrlòng ờ hềt uă, gam jat broă lơh, ờ geh bơta niam mờ ờ hềt ngan ngồn. Tềng đap ală bơta pa gơlik geh dà lơgar dê, ồng Nguyễn Xuân Phúc đơs loh, ală kơnă, ală gah broă lơh, tơl nă cau tàm tơl gah lơh sa, chài rơgơi, mpồl bơtiàn… pơgồp bơnah lơh jơh geh cồng nha kơnòl broă lơh sa mpồl bơtiàn tơngai bơh nam 2016 tus nam 2020.

                   Cau cih mờ yal tơnggit K’ Duẩn.