VOV4.K’ho - Tàm dơ\ tus còp càr Đồng Tháp, drim òr (12/6), ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh còp mờ chu `àng kah kơlôi tiah tềl kah yau [ồc ồng Nguyễn Sinh Sắc, còp ờ uă hìu nhă geh sră dong kờl mờ tus sền ờ uă broă lơh sa kă bro tàm càr do.

Ồng Nguyễn Xuân Phúc neh còp mờ sền ờ uă broă lơh sa kă bro tàm càr do, tàm hơ\ geh mpồl lơh sa bal pơ-ò Mỹ Xương. Do là mpồl lơh sa bal geh cồng nha, geh broă bơcri mìng 420 tơlăk priă, mơya neh geh cồng nha tus 120 tơlăk priă tàm 1 nam. Mpồl lơh sa bal do geh 800 tấn pơ-ò tàm 1 nam, lơh jăt broă lơh VietGap, tăc mờ uă  lơgar tàm dunia, mờ 2 bơta pơ-ò tòm là Cát Chu mờ Cát Hoà Lộc. Boh bơr mờ ală cau lơh broă tàm mpồl lơh sa bal do, ồng Nguyễn Xuân Phúc neh đơs niam broă sền gàr geh cồng nha mpồl lơh sa bal do dê, hòi jà geh uă cau mờ ală broă lơh adăt boh lam tus bal. Mpồl lơh sa bal neh rơwah gùng dà broă lơh di pal, ngui khoa học công nghệ tàm broă lơh, jòi anih tăc geh cồng nha, tăc uă lơgar tàm dunia.

Bal mờ ngai òr (12/6), ồng Nguyễn Xuân Phúc neh lơh broă mờ càr Đồng Tháp bè broă lơh jăt kơnòl lơh sa-mpồl bơtiàn, tàm hơ\ uă ngan là trồ prang; jòi broă bơsong kal ke, chồl pràn lơh sa kă bro, chồl pràn broă bơ\t bơtàu wơl lơh sa suơn sre tàm càr.

Cau cih mờ yal tơng^t Ndong Brawl