VOV4.K’ho - 4 jơ mho òr (26/5), jăt jơ tàm tiah do, tàm nagoya, càr Aichi, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh geh dơ\ cri bơyai broă lơh sa dờng bơh lơgar Việt Nam mờ lơgar Nhờk mờ tơngu me: “Lơgar Việt Nam tơrgùm bal mờ tơnguh bơtàu”. Tơnơ\ mờ jơnau đơs kuơ màng tềng đăp mờ ală anih lơh sa kă bro, ồng Nguyễn Xuân Phúc neh hơ jơnau lùp tơn bơh ală anih lơh sa kă bro lơgar Nhờk.

Đơs tàm dơ\ cri bơyai, ồng Nguyễn Xuân Phúc neh đơs tòm, broă lơh bal bơh lơgar Việt Nam mờ lơgar Nhờk là “Broă lơh bal jrô ơnàng tài bơta lơngăp lơngai mờ pas gơs tàm châu Á” gam tàm tơngai tơnguh bơtàu niam bơne\ ngan tàm ală gah lơh broă bơh tu\ 2 lơgar crơng gơs broă lơh bal. Bàr lơgar Việt Nam mờ Nhờk gam lơh ngan lơh jăt “Ngui jơh broă lơh sa mờ măy mo\k lơgar Việt Nam dê tàm broă lơh bal bơh lơgar Việt Nam mờ lơgar Nhờk wèt tus nam 2020, mờ sền tus nam 2030” tơrgùm tàm ală gah lơh sa mờ măy mo\k điện tử; lơh gơs phan ngui sa bơh broă lơh sa suơn sre, phan tàm dà; tiah kis mờ tềm pềr năng lượng;… Kờ` tơnguh bơtàu pràn, geh cồng nha rơlao broă lơh bal bơh 2 lơgar dê, ồng Nguyễn Xuân Phúc neh đơs tus mờ uă gùng dà broă lơh bal bè bơcri priă, kă bro mờ nhơl chờ. Bơdìh mờ broă lam sồr anih lơh sa kă bro lơgar Nhờk bơcri priă tàm ală rơndăp broă gơwèt 6 mpồl broă tàm broă lơh bal tơnguh bơtàu lơh sa mờ măy mo\k bơh lơgar Việt Nam mờ lơgar Nhờk bal mờ ală gah broă lơh ndai, ồng Nguyễn Xuân Phúc pin là, mờ broă tus bal kơrnoăt hơ bal TPP, 2 lơgar tơl pràn tơnguh khà kă bro tus 60 tơmàn đôlar tàm nam 2020.

Mho ngai òr (26/5), ồng Nguyễn Xuân Phúc neh geh ală dơ\ tìp bal mờ kuang atbồ lơgar Srilanka, Kuang atbồ anih duh broă dunia, Kuang atbồ kes priă dunia (IMF), Kuang atbồ mpồl lơh sa dờng OECD mờ kuang atbồ càr Aichi bal mờ kuang bàng đơng lam ờ uă anih lơh sa kă bro lơgar Nhờk.

         Cau cih mờ yal tơng^t Ndong Brawl