VOV4.K’ho - Drim òr (24/8), tàm hìu lơh broă Gơnoar atbồ lơgar, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh đơng lam pơrjum pờ tơl^k tơn tàm internet gơnoar atbồ lơgar dê bè broă sền gàr tiah kis. Ồng Nguyễn Xuân Phúc neh đơs tus mờ bơta [ơ\ tàm tiah kis, tìs mờ adăt boh lam bè sền gàr tiah kis geh uă, lơh gơrềng ờ niam tus rài kis làng bol mờ lơh ờ niam tus mờ mpồl bơtiàn. Ồng Nguyễn Xuân Phúc đơs là, he pal tam gơl nùs nhơm tơnguh bơtàu, jăt broă lơh tơnguh lơh sa pơgồp bal mờ sền gàr tiah kis, tơnguh bơtàu kơl jăp mờ lơh ngan ba` tài bơta kuơ tềng đăp măt mờ lơh ờ niam tus tiah kis, sền gàr bơta kuơ mờ rài kis lơngăp lơngai làng bol. Ồng Nguyễn Xuân Phúc sồr ală gah, mpồl lơh broă dà lơgar, ală càr, [òn dờng pal sền tàm mùl màl broă gơbàn [ơ\ tàm tiah kis, kờ` g^t loh rơlao tai, geh broă lơh di pal rơlao.

           Cau cih mờ yal tơng^t Ndong Brawl