VOV4.K’ho - Mho òr (07/8), tàm hìu lơh broă Gơnoar atbồ lơgar, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh wă ồng Tsutomu Takebe, kuang dong broă kuơ màng mpồl tam klăc g^t gơ\p lơh bơyô bal kuang bàng tàm Gơnoar ala măt dà lơgar bơh lơgar Việt Nam mờ lơgar Nhờk.

Pơn jờng dơ\ tus còp bơh ồng Tsutomu Takebe dê, ồng Nguyễn Xuân Phúc neh đơs niam broă đềt mềr mờ ală broă lơh ngan mờ ồng Takebe neh ai dà lơgar bal mờ làng bol lơgar Việt Nam in tàm broă tơnguh broă lơh bal bơh lơgar Việt Nam mờ lơgar Nhờk tàm uă gah broă lơh, tàm hơ\ uă ngan là broă lơh sa, bơto cau lơh broă mờ tìp bal làng bol. Tàm hơ\, geh sền kuơ ngan là broă lơh ngan chồl pràn rơndăp broă lơh hìu bơsram dờng Việt Nhật, do là broă lơh bal bơh 2 lơgar dê. Tơl^k nùs nhơm chờ hờp bè broă lơh bal jrô ơnàng bơh lơgar Việt Nam mờ lơgar Nhờk, tàm tơngai do pơn jăt tai tơnguh bơtàu niam bơne\ tàm ală gah broă lơh, ồng Nguyễn Xuân Phúc đơs, lơgar Việt Nam sền kuơ broă lơh bal pa mờ lơgar Nhờk; mờ pin dờn broă lơh bal bơh 2 lơgar dê pơn jăt tai tơnguh bơtàu pràn, geh bơta kuơ tus mờ 2 lơgar, 2 jơi bơtiàn mờ làng bol 2 lơgar, pơgồp bal tàm bơta lơngăp lơngai, ring niam, lơh broă bal mờ tơngtuh bơtàu tàm châu Á mờ tàm gùt dunia.

Cau cih mờ yal tơng^t Ndong Brawl