VOV4.K’ho - Drim òr (23/10), tàm Hà Nội, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh tus sền broă rơcang 3 pơrjum dờng geh bơyai lơh bơh ngai do 24 nhai 10 tàm hìu pơrjum dà lơgar, tàm hơ\ geh: Pơrjum dờng broă lơh sa bal Ayeyawady – Chao Phraya – Mekong dơ\ 7 (ACMECS 7), Pơrjum dờng broă lơh bal Campuchia – Lào – Myanmar – Việt Nam dơ\ 8 (CLMV 8) mờ pơrjum cri bơyai broă lơh sa dunia bè Mekong (WEF-Mekong). Ồng Nguyễn Xuân Phúc đơs tòm, ală anih lơh broă geh gơnoar, tềng đăp mờ broă đơng lam bơh Gah cri bơyai…, tơl niam broă bơyai lơh ală pơrjum ờ gơbàn tìs, tơnguh uă bơngă lơgar Việt Nam dê tus mờ ală lơgar. Ồng Nguyễn Xuân Phúc sồr: Ală gah, mpồl lơh broă dà lơgar gơrềng bal pal kah tus bơta lơngăp lơngai, ờ do ờ dă, ba` sền ờ sơ\p. Năc tus pơrjum ndrờm pal geh sền gròi, kung là ai tơl^k nùs nhơm iang nùs cau năc in. Mờ ală broă lơh niam ờ do ờ dă tàm gùng lòt, pal kah kơrian gùng, lam ală mpồl kuang bàng dờng màng tus pơrjum. Broă kơrian gùng ba` lơh kal ke tus mờ làng bol mờ pal gàr niam bơta jăk chài, chài rơgơi [òn lơgar, sền kuơ cau năc. Jơnau yal bơh Kuang gơs gơnăp gơnoar atbồ hờ đang rơlao jơh dà lơgar, Gah kuang àng dà lơgar pà go\, broă sền gàr bơta lơngăp lơngai geh lơh nền nòn, neh ai mpồl sền gàr tus sền gàr ngai kung bè mang mờ ndrờm geh ală rơndăp broă sơndră lài di lah gơbàn geh bơta ờ niam.

Cau cih mờ yal tơng^t Ndong Brawl